Aḥric n usiweḍ di twilayt n Tizi Wezzu d win i iceɣben lɛamma, imi deg wussan-a ineggura, yella-d uneḥbus ɣef lxedma n yimawlan n yifurguten d ttawilat nniḍen n usiweḍ. Ssebba n waya d abeddel n umkan n uraju n ttawilat-a n usiweḍ ɣer berra n temdint n Tizi Wezzu. Rray-a i teddem tmehla n usiweḍ yesserfa imdanen mačči d kra, imi ur yessashel ara i yimdanen ad ddun akken iwata. Abeddel-a iḥuza daɣ inehharen n ttawilat n usiweḍ I d-yufan iman nsen ttwaḍeggren ɣer yiwen n umkan ur nwulem ara.
Aṭas n yinejmuɛen i d-yellan gar tidukla n yimawlan n usiweḍ d yimḍebren n uḥric-a deg twilayt. Timlilit-a tessaweḍ d akken ttawilat n usiweḍ n tiɣiwanin n Buǧima, At Ɛissa Mimun d Wagnun ad ḥebbsen deg « Pont de Bougie « , wid n At Dwala, At Wasif, Iwaḍiyen d At Yani ad ṭṭfen amkan yellan yakan n At Dwala. Ma d wid icudden ɣer Ddayrat n Makuda, Tigzirt ad yili umkan nsen deg Buxalfa, ma d wid n tiɣiwanin n wunẓul n twilayt ad ḥebbsen deg Wad Ɛissi. S wakka, ɣas akken yettban-d belli aɣbel d win yefran maca, mazal imezdaɣ d wid yugaden amesruf ara sen-d-tesqam teswiɛt-a. Amedya, win ara irekben seg tɣiwant n Iflissen n lebḥer ɣer temdint n Tizi Wezzu ad ixelles 210 n yidinaren gar rwaḥ d tuɣalin, imi ad ixelles 50 DA ɣer Tigzirt, 140 Da ɣer Tizi Wezzu, d 20 Da deg umkan uneḥbus neɣ “la station intermédiaire”., ma yerna iruḥ ɣer la nouvelle ville s 30. S wakka, ad taweḍ ¨ɣer 240 Da! Aya mebla ma neḥseb aḍegger n lweqt! S wakka yal iminig ad yernu nnig n 20 Da n lmesruf. Rnu ɣur-s, imekwan-agi n uneḥbus, am win n Pont de Bougie, d wid ibeɛden ɣef temdint deg teswiɛt anida ulac laman, ladɣa i tlawin d telmeẓyin i ixeddmen alamma d taggara n wass, ladɣa deg wussan n tegrest.
D.I
Buzeggan
Aheggi i tmeɣra tameqrant deg Uḥriq
Imezdaɣ n taddart n Aḥriq i d- yezgan deg tɣiwant n Buzeggan, deg usammar n twilayt n Tizi Wezzu, d wid i yettheggin yiwet n tmeɣra tameqrant ara d-yilin deg wussan i d- iteddun. Aya ilmend n tulya n yiwen n lǧameɛ i yettwabnan s tedrimt nsen. Taseqqamut n taddart, seg tama-s, thegga-d wussan i d- iteddun. Aya ilmend n tulya n yiwen n lǧameɛ i yettwabnan s tedrimt nsen. Taseqqamut n taddart, seg tama-s, thegga-d yiwen n wahil d amerkanti ilmend n tmeɣra-a ara yilin ɣef teɣzi n ddurt s lekmal.
Aṭas n yirmad I d-yettwaheggan, ama d ccna neɣ d timzikent d usenzi n waṭas n yisufar yettwaxedmen s ufus. Imḍebbren n taddart bɣan d akken tameɣra nsen ad tili d rreḥba n tdamsa.
D.I