Adlis-agi d inigi γef colonel Mohand Oulhadj, yeffeγ-d aseggas-aya yakkan s tutlayt n tefrensist ,tella-d tsuqqilt-is γer tutlayt n taεrabt, yeffeγ-d ddurt-agi yezrin di tezrigin n Le Savoir n Tizi-Wezzu.
Si Mohand Saïd iḥekku-d Amγar, d asentel n udlis amaynut umezruy n tegrawla tazzayrit, d inigi γef umecwar n colonel Mohand Oulhadj i yuγalen deg umḍiq n Σmiruc, d netta i d imḍebber aneggaru n temnaṭ tis III, seg useggas n 1958 ar 1962. D netta i yessulin asenjaq n tmurt n Lezzayer ass n 5 yulyu 1962 di temnaḍt n Sidi Ferrej anda i d-tres Fransa ass unekcum-is di 5 Yulyu 1830.Tazwart n udlis-agi yura-tt mass Chérif Ould El Hocine d aγalat n ALN i Lwilaya tis 4, u daγen d amyaru i d-yessufɣen yakan yiwen n udlis s wazal-is, « Deg ul umennuγ » (Au cœur du combat) anda yuγal γer wussan n tegrewla tazzayrit.
Adlis-agi yesεa ayen yugaren 254 n yisebtar, yebḍa γef waṭas n yiḥricen, yezzi-d γef deqs n temsal. Amyaru yeḥka-d lbaṭel texdem Fransa i yizzayriyen sumata, seg yidis nniḍen ijerred-d amecwar n Colonel Mohand Oulhadj imḍebber n Lwilaya tis III almi d timunent. Adlis-agi d amarkanti s tugnatin n tegrawla, akked yiγalaten, imḍebren, imaγrasen.Tasuqilt n udlis-agi si tutlayt tafrensist γer tutlayt n taεrabt tella-d s-γur Abdelkader Abdi akked Hocine Toumi, yettnuzu s 400 n yidinaren.
slam Bessaci