D awal i ten-yezdin. D ixulaf, d ilmeẓyen. Tikli ɣer zdat, ur tufiḍ i ten-yettqerriɛen. Taqbaylit deg ul. Yal wa d tamuɣli-s ɣef teqriḥin n ddunit ssiẓiden s imeslayen xas qessiḥit. Deg wecrured ɣer tikli. Meẓẓi meqqar, sɛan aḥrun ɣef usefru, ɣef wayen ilhan. A win yeddan d win t-yifen, ad t-yettɛanad, ad t-yaweḍ. Sennin awalen am useqlad n tezwal, cebḥent i tmuɣli, bninit deg yiles. Tellin tiwwura n iḥulfan, ttleqqimen tebrek s temlel, lkerh s uḥemmel ‘ tafat tegres teftutes, temzarwaɛ ak d iceqfan”. Tagella-nnsen d anadi, d tamusni, d leqraya, d timlilit. Llsas-nnsen d asnulfu, d tikci i tmuɣli, i tmeẓẓuɣt n wayen werǧin slin neɣ walan medden. « D timiqwa n yiṭij n igenni n lǧennet ». Ttcihwin-d times, fettlen s waman. Ttagin temses, ḥemmlen amerɣan. Cennun s taɣest tiregwa n yidim. Ttarun s yiɣes amur n tilin. Ssakayen arrac mafaɣ ad saḥen. Nnan i tmara, yusa-d wi kem-yifen. Ttleqqimen lebɣi, s wayen lqayen. Ssikiden lemri, amer ad t-ifen. Ssergagayen ussan seg waken zemmren, ad qablen lemṛaṛ s wayen ẓiden. Ttawin tafat, deg ulawen nnsen. Ttarran imeṭṭi d tiliwa n tmusni. “Nnan-d ayen ulac i waken ad yili, nnan-d i warrac ssemɣit-d tuɣac, deg wedɣaɣ yerɣan yesburren tili.” Ussan yerǧan taqbaylit ifen widen iɛeddan..
Zira