Cfiɣ ccfawat n temẓi, mi neqqim
di sin, di lḥara n wadda. Azmumeg
ɣef yimi, allen ttektilint lebɣi, ula
wen ḥebbken, lbaḍna, lbenna.. Deg
ufus-iw ayeffus, tawerdet mellulen
temlel n taduṭ fessunt tlawin i uzeṭṭa n leqrar. Ad yali wexxam, ad ḥedren iɛes
sasen. Netta s idis-iw, nek ferruɣ tilla n
twenziwin s wafriwen n lwerd amellal :
inu maci inu, inu maci inu, inu, maci…
inu; Tikwal nesteɛmil, nzeggel yiwen
yifer, nettaker, awi-d kan ad teffeɣ tar
git-nneɣ ɣer llxiṛ… Afriwen n twerdet
ɣellin, axxam-nneɣ yettali llsas-is. Yal
ifer d tawriqt tacebḥant deg-i nura tama
cahut n tilin-nneɣ. Ad nili: nennuɣna,
nellez, nemyeḥmal, nemsaɣ tannumi,
neɛya, nezmumeg, nerfa..Mi nessufeɣ
targit ɣer lxiṛ, ad d-nejmeɛ i ḍeggren
iseggasen, ad ten-id-nesni d isekkilen i tira n wedlis n temlilit, i tira n tektabt n lbaḍna: “ ḥemmlaɣ-kem a taḥawact-iw,
xas aḥemmel-iw yeɣli lwerq-is, xas
yedda-yaɣ zzman di nneqma, xas wel haɣ-kem ɣer lemtel-im, xas tawenza ur d-tefki ara, deg wul ad i-tiliḍ am uzeɣbub n usirem yessidiren tirga…”
Zira