Accueil Tamazight Cwi kan llant tmeγriwin !

Cwi kan llant tmeγriwin !

1895
- PUBLICITÉ -

Akken i as-yenna winna :’’rwaḥ truḥ, yyaw meqqar ad necḍeḥ.’’ Xas teṣεeb temεict γef yimdanen, xas lhem n rrebrab ur yezgil tama di tmurt n Leqbayel, meεna tudert tettkemmil akken kemmlent tmeγriwin mi ifuk remḍan. ‘’Cwi kan llant tmeγriwin anda i tekksen medden ciṭ γef wul. D taswiεt n lferḥ i d-yessimliliyen imawlan, leḥbab. Wamag nemsefraq am yibawen γef lluḥ, yal yiwen anda iger taqerrut-is.’’ Akka i aγ-d-tenna Nna Urida mi as-nesεed zwağğ n mmi-s Mestafa.

- PUBLICITÉ -

D iḍebbalen neγ D J, deg uxxam neγ di tzeqqa n tmeγriwin, yal tazniqt yekker deg-s uγebbar. ‘’Anda ulac akk iḍebbalen, ṭṭbel d lγiḍa, mačči d tameγra. Tura rran-tt kan i ccna.’’ D wa i d rray n Dda Muḥ i aγ-d-yessmektin amek ttilint tmeγriwin zik-nni. Ma d Kamel yessmenyif D.J γef yiḍebbalen. Yenna-d :’’nekk ḥemmleγ tizlatin n Allaoua, wellah ma zemreγ ad ṭṭfeγ iman-iw mi ara asent-sleγ.’’ Ma d Meziane yenna-d : ‘’Nekk xas ur ceṭṭḥeγ ara, meεna ferḥeγ imi neqqsent tuγac n rray di tmeγriwin-nneγ. Tajmilt ad tuγal i yicennayen-agi ijdiden imi cennun tuγac n tmeγriwin. Akka yerna llan wid yekkaten deg-sen.’’

Akken yebγu yemgarad rray, acu kan lfarḥ yettban γef yal inebgi. Ihi, nessaram i teslit d yisli akked wid akk ara izewğen lfarḥ ara idumen di tudert n yal ass.

Hocine. M

- PUBLICITÉ -