Accueil Tamazight Aṭṭan n tterka akked Sanṭa Cruz

WEHRAN Abruy seg umezruy : Aṭṭan n tterka akked Sanṭa Cruz

448
- PUBLICITÉ -

Wahran d yiwen yiɣrem n tmurt n Lezzayer. am nettat am waṭas n temdinin i d-yezgan rrif n lebḥer. Deg-s, ttemɛawanen yimezdaɣ mi ara tili tizi n lḥers. Ma yella di tizi n liser, yal wa idehhu-d d cɣel-is. Zik-nni, yeɣli-d fell-asen waṭṭan aseṭṭafen n tterka. Aṭṭan-agi amcum, yestufa-d ad isenger iɣrem. Yettawi ama d imeẓyanen, ama d imɣaren. Ula d imeqqranen, iffeɣ-iten leɛqel, urǧin ẓran tawaɣit  n tikelt-nni. Mi nnejmaɛen wid tezgel lmut akken ad d-afen tifrat i taluft i d-yeɣlin, ulac win i d-yufan kra. Maca, ddan ulin ɣer yiwet n tqacuct, ufan-n din yiwet n tmeṭṭut ur ssinen ara.

- PUBLICITÉ -

Urǧin i tt-ẓran. Tettidir di tqacuct-nni yellan deg tiddi ɛlayen ɣer yiri n ubrid yefkan tamuɣli ɣer lebḥer, tagi d Sanṭa Cruz. D nettat i yesseḥlan imdanen ɣef iwumi ur yelḥi ara waṭṭan aṭas, u tdegger aṭṭan akkin ɣer lqaɛ n lebḥer.Akka temneɛ Iɣrem n Wehran si nnger. Yura fell-as ula d amyaru yettwasnen aṭas wagi d Albert Camus deg udlis n “La Peste”. Dɣa seg wass-nni, lburǧ n Wehran, ssawalen-as “Sanṭa Cruz” i d-yeqqim si tallit n Sebbenyul.

Chanez Dahlal

- PUBLICITÉ -