Accueil Tamazight Abrid n lehna n Yasin Cemmac

Ajdid deg ccna

Abrid n lehna n Yasin Cemmac

224

Isuffeɣ-d ussan-a kan ucennay Yasin Cemmac, neɣ n Ayt Icemciwen s yisem azwaw, iseɣrez-is amenzu n ccna s uzwel n « Abrid n lehna », seld ddeqs n wayyuren n uxeddim d waṭas n yiseggasen n uraǧu. Imi Yasin acḥal netta di ddhen-is ad yessekles aḍebsi n tezlatin, maca armi d tura i d-yeqqers usenfar-a.

Ayen yerzan taḥawact i d-yewwi i wid iḥemmlen aẓawan, ddant-d deg umaynut-a ṭamet n tezlatin merra-merra, i d-yusan deg usismel-a: « Abrid n lehna », « Udem n talwit », « Tawla n lemḥibba », « Mi ttruɣ », « Tirga n leɣlaḍ », « Ttu-yi », « Nnecraḥ » akked « Tamussni ». Akken i t-id-qqaren yizwal, yecna yilemẓi-a, mmi-s n tɣiwant Ayt Smaɛel ɣef tlufa icudden ɣer tmetti d tikli-s, s ugmar n kra n waddaden d tikci n kra n yiwellihen s ubrid n yisefra. Yesqerdec daɣen, am tuget n yilemẓiyen, asentel d tayri di kra n tezlatin. Am wakken i d-yewwi kra n yisental-nni.

Akken i aɣ-t-id-yenna ucennay s timmad-is, aṭas i irhen akken ad isamed asenfar-a, daymi yessaram ad yehwu amacemma i wid ara yeslen. Akka tura ihi, tzemrem ad tafem iseɣrez-a di kra n yimeḍqan deg usamar n Bgayet, di leɛḍil ad yeɛreḍ bab-is ad as-yeg asuzzer yelhan ugar. Imi akken neẓra, liḥala n unaẓur ur tessefraḥ di tmurt-a, tugart imi ula d ayen ara iɛell unfaras d umzuzzer, d netta s timmad-is i t-ixeddmen.

M. Azwaw