Rzan yimḍebbren n snat n tɣiwanin n dayra n Mɛatqa d tɣiwant n Ssuq El Tnayen s tilin n yimḍebber n Tenmehla n yixeddimen n Uzayaz (DTP) n ugzdu n TiziUzzu, ass-nni n aram, 24 seg waggur n cutember, ɣer yiberdan n dayra n Mɛatqa akken Ad walin yir liḥala i deg llan yiberdan-agi, yesrekben lɣiḍ n yimsebriden, ladɣa imɛelmen n ttawilat n usiweḍ. Dɣa mbaɛd tirza xedmen yimḍebbren teɛna temsalt ɣer yiberdan i d-yeggran deg yir addad, yemsefham unemhal n yixeddamen n Uzayaz akked snat n tɣiwanin i waken ad tili tduli n yiberdan-agi uqbel tagrest i d-iteddun.
Gar yiberdan iwumi ara tɛiwed taduli, ad yili ubrid aɣiwan i icudden talemmast n Ssuq Lexmis d taddart n AT Zɛim ɣer Lbir. Deg tɣiwant n Mɛatqa, ad naf daɣen deg tɣiwant n Ssuq El Tnayen, abrid n Tneqqlent Ubetrun yettawin ɣer Uɛfir, abrid i icudden taɣiwant n Ssuq El Tnayen d Uɛfir, abrid i icudden taddart n Uɛfir d taddart n Tiɣilt n Teqḍibin. D isenfaren n uɛiwed n yiqadusen n waman n tisit, asenfar d unziz asekḍan d usenfar n Lgaz i d-yeǧǧan iberdan-agi deg yir liḥala.
A. Z.