Mbaεd acḥal d aseggas n uneḥbus n yisenfaren yemgaraden i seg i d-sfaydi tɣiwant n Mεatqa deg εecrin n yiseggasen iεeddan, s ssebba n uɣbel n lexṣas n tedrimt i iḥuzan tamurt n Lezzayer, yules uxeddim, ussan-agi ineggura, deg tuget n yinidan n tɣiwant, gar asen tamkarḍit n tɣiwant yebdan deg useggas n 2007 u mazal ar ass-a urεad tekfi, asenfar n tfarawt n tɣiwant yebdan s uxeddim deg 2008 i deg mazal lecɣal urεad kkfin d usenfar n yinarayen n tɣiwant i yebdan deg useggas n 2012.
Ɣef leḥsab n yimeslayen n yiεeggalen n Useqqamu Aɣerfan Aɣiwan n Mεatqa, ugur-agi n uneḥbus n yisenfaren iḥuza yakk tiɣiwanin n lwilaya n Tizi-Uzzu, rnu ɣer usetehzi n yiεeggalen n yiseqquma i iεeddan deg tɣiwant. Tikelt-agi, imeḍebbren teεna temsalt, beggnen-d lebɣi-nsen s ukemmel n wayen yak i d-yeqqimen deg yisenfaren-agi igejedanen, akken ad ilin wejden deg taggara n useggas i deg i nella. Inidan-agi, ad d-xelqen aṭas n yimekwan n lxedma i yimezdaɣ n tɣiwant.
Ali Zalouk