Accueil Tamazight Ad ikemmel wahil adelsan deg yimuras n tefsut

Wehran

Ad ikemmel wahil adelsan deg yimuras n tefsut

42

D akemmel n wahil adelsan i yebdan seg waggur n furar, d ahil i d-yettilin deg Uxxam n umezgun amnaḍan Ɛebdelqader Ɛellula deg temdint n Wehran, d ticeqqufin i yimeqqranen d yimecṭaḥ, d timeɣriwin n ccna neɣ n ccḍeḥ s uẓawan aklasiki neɣ atrar, d temliliyin n tmedyazt. Annect-a akk, yettili-d ɣef teɣzi n wayyur-a n meɣres. Yebda ass n 4 s tmeɣra tameqqrant n tẓuri d uẓawan afransis, i d-yettwaheggan sɣur Asudu (institu) arumi. Ikemmel wahil ass n 6 meɣres ɣef 14h s temlilit n tmedyazt, d tajmilt i tmeṭṭut i lmend n usfugel n wass agraɣlan n tmeṭṭut. Ma d ussan n 9 d 10 meɣres d taceqquft El Aǧwad i d-yettwasneɛten. D yiwet n tejmilt meqqren i as-yuɣalen i Ɛellula. Ma d imuras n tefsut i yurǧan inelmaden n uɣerbaz, ad yili lḥeq-nsen n yidles d umezgun d usɛeddi n wakud. Yetturaǧu ad d-tili tmeɣra n ccḍeḥ aklasiki i warrac imeẓyanen s usentel n Kidz school ass n 20 meɣres, ma d ass n 24 d amezgun n teḍsa (Drole Madare) i yellan deg wahil. Ad yekfu leqdic s tmezgunt n “Pinocchio” i yimecṭaḥ, d tin ara d-awint waṭas n trebbuyaɛ ussan n 24, 25 d 26 seg meɣres ɣef 14h n tmeddit deg yal ass.

K. A.