Ass-nni n letnayen yezrin, i d-yefren uneɣlaf amezwaru n tmurt n Lezzayer Mass Noureddine Bedoui lwali aqdim n Tizi Uzzu Mass Abdelhakim Chater i wakken ad yili d anemhal n uniraw-is. Maca armi d ass-nni n lexmis 11-04-2019, i d-yella uṣenseb n wannect-agi. Yella-d ubeddel deg umḍiq n lwali n Tizi Uzzu, mbeɛd qrib n sin yiseggasen n lxedma ideg yella Mass Chater ɣef uqerru n lwilaya-a, yettwabeddel s Mass Djemaâ. Yella umbaddal n umkan-agi unṣib, taṣebḥit n wass-nni n lexmis deg usɣur n lwilaya n Tizi Uzzu. Ad nesmekti kan, s umecwar ɣezzifen n lwali-agi amaynut n Tizi Uzzu. Yeffeɣ-d seg uɣerbaz aɣelnaw n tedbelt (ENA) deg useggas n 1980. Deg useggas n 2004, yella d amaray amatu n lwilaya n Lezzayer Tamaneɣt, syin akkin yuɣal aṭas n tikkal d lwali imgenses di Dar ElBeida d El Harrach. Am wakken daɣen i iɛedda yakan d lwali di Chlef, di Ghardaia akked Tamenrasset.
Adaoun Ghani