Accueil Tamazight Aghiles Issadi, anaddal n Parkour

Addal : Aghiles Issadi, anaddal n Parkour

287
- PUBLICITÉ -

Issadi Aghiles, d anaddal n Parkour. Ilul-d ass n, 02/04/1994. Yettidir deg Tewrirt Meqqran, deg Larebɛa Nat Iraten , d yiwen n unaddal i yebdan addal-agi deg useggas n 2016. Aghiles, ixeddem yiwen n waddal ur nettwasen ara mliḥ di tmurt.. D acu-t Parkour ? D yiwen n waddal qqaren-as daɣen Art du déplacement, d tazla deg yiberdan neɣ idurar ɣef uḍar. Tazla-agi, teḥwaǧ amdan ad yili xfif s waṭas, acku ilaq ad iɛeddi i merra iɛewwiqen ara d-yemlil deg ubrid-is . Di tmurt, ur yettwassen ara waddal-agi. Nerza ɣer yiwen n yilemẓi n taddart n Tewrirt di Larebɛa Nat Iraten, yemmeslay-aɣ-d fell-as. Akken i d-uddreɣ yakan, wagi d Aghiles Isaadi. Ha-t-an d acu i d-yenna : « Ḥemmleɣ addal-agi anda ara tazleḍ deg yiberdan ɣef uḍar. Xedmeɣ yakan le Parkour amezwaru 43 n yikilumitren deg udrar, wis sin 41 n yikilumitren deg ubrid n tkeryas. Ssarmeɣ ad yennerni waddal-agi. Wid teɛna temsalt deg uḥric n waddal, ad zzin ɣur-nneɣ akken ad aɣ-d-ffken afud i wakken ad nesnerni Le Parkour « 

- PUBLICITÉ -

Souhila Yamani

- PUBLICITÉ -