Accueil Tamazight Akal, d akabar amaziɣ amenzu i d-ilulen

Tunes

Akal, d akabar amaziɣ amenzu i d-ilulen

49

Akken i yenna umedyaz “Seg ucrured ɣer tikli”, neɣ akken i t-qqaren wat zik “Aɛeqqa, aɛeqqa alamma nessaweḍ meyya” i tutlayt tamaziɣt d yidles-is i ileḥḥun simmal ɣer sdat skud yettɛeddi lweqt. Neẓra d akken seg kra n tamiwin, d tuɣalin s kra n yisurifen ɣer deffir i yeṭṭfen amnaṛ, maca neḍmeɛ mi ara nettwali seg tamiwin tiyaḍ yettlal-d umaynut yessemhazen tutlayt-a ɣer sdat. Akal, d yiwen n wawal, yemmal unamek-is lqaɛa, tamurt d fessu (azuǧǧeg) d usefti ɣer wayen yakk icudden s asirem d wayen yelhan.

D Akal i d awal i yettwafernen ad yettunefk i ukabar amaziɣ amezwaru i d-ilulen deg tmurt n Tunes ussan-a kan. Ɣef umeslay n umaray-is amatu, Mass Fady Mansri, yenna-d belli “Yettwaxleq-d s wudem unṣib ukabar Akal ass n, 6 maggu 2019, mbeɛd aṭas n temliliyin i d-yellan yakan uqbel, rnu ɣer waya, nesqerdec kra n temsal yerzan isuḍaf d yilugan i swayes ara yelḥu”. Yerna yessegza-d deg yiwet n tdiwenni-nniḍen i iga deg yiwet n tiliẓri, d akken akabar-a n Akal ad d-yawi tamuɣli tamaynut i tmurt n Tunes, d tamuɣli ara ibedden s wudem n llsas d tumast tamaziɣt. I usmekti daɣen, akabar-a ɣas melmi kan i d-ilul d amaynut, maca ad yekki deg tefranin (législatives) d tid n tselwit n tmurt n Tunes. Ad yeṭṭef 80 n wumuɣen ifranen akked yiwen n yimrecceḥ ɣer tefranin n tselwit.

K. A.