Accueil Tamazight Aklip A Dda Mezyan n Kamel Iflis

Ajdid deg ccna : Aklip A Dda Mezyan n Kamel Iflis

266
- PUBLICITÉ -

Iflis, d yiwen unaẓur i yefkan azal meqqṛen i Teqbaylit-is. Acku, ɣas ma yella yettidir berra n Tmurt, lameεna ur yettu ara laṣel-is. Ula d ccna, icennu s tmeslayt-is. Rnu i waya, deg tezlatin-is, Iflis yekkat ɣef yizerfan n Teqbaylit d umkan i d-yewwi ad teṭṭef deg tmurt-is. Ayagi dɣa, iwekked-it-id mmi-s n Yiflisen deg uklip-is iwumu yefka azwel « a Dda Mezyan » i d-yeffɣen deg yiẓedwa inmettiyen, ass n, 7 furar yezrin. Deg uneggaru-a, anaẓur, yewwi-d s tugna ɣef wayen icudden ɣer yidles, neɣ s wudem-nniḍen, d izen i wid mazal gnen, ur d-rrin s lexbeṛ s wazal n tddukkli. Ahat ad d-yessaki kra n medden dakken, ticṛaḍ s yidammen. Ihi abrid n tlelli ad t-id-nezwir s useḥbiber ɣef wayen yeqqnen i tmagit. Yeqqar-as dɣa:  » Efk-iyi-d kan tilelli-w, ǧǧiɣ-ak ayen yellan.

- PUBLICITÉ -

Ad tidir tmeslayt-iw, fkiɣ-ak imelyan…. ». S ugzul n wawal, ssuma n tlelli ur telli, ur d-tettili. Deg wawal i d-newwi yid-s ɣef uklip-a, Mass Iflis yenna-aɣ-d’’belli aṣewweṛ i nga i uklip-a, nga-t daxel, bac ad as-nefk i tezlit azal i as-ilaqen « . Ula d nekni seg tama-nneɣ, nger tamawt i waya, imi, ɣas ma yella ur sxeddmen ara buhan n ttawilat deg uṣewwer, meεna ayen yellan deg uklip-a yesεa lmeεna. Amedya, d anaẓur i yettbeddaden tikkelt, yettɣimi tayeḍ. Akked, uɣawas yessddukklen temlel d usenfel n tɣemmaṛ n tziri i yeggaren tiɣṛi i usirem. Ma yella d izen i yebɣa ad yessiweḍ, ɣef leḥsab n Iflis, yal afyir yella deg-s yizen. Ma d ayen yeεnan timeɣnest-is ɣef Teqbaylit, yenna-aɣ-d  » tayri n Teqbaylit mačči d awal, yessefk fell-aɣ ad tt-nessider yal ass ugar s wayen iwumi nezmer, ma yella nebɣa ad nidir. Meḥsub ur d-yewwi ara fell-aɣ ad nettkel ɣef yiwen, ama d adabu, neɣ d win-nniḍen. Aredmani, ma ur neḥriz tameslayt-nneɣ, ad tenger, ad negren warraw-is ». Di taggara, ad d-nesmekti belli, Tazlit n uklip-a, tedda-d deg walbum n  » Où va ce monde » i d-yesuffeɣ deg useggas n 2018. I yisalli, aẓawan d yimeslayen n tezlit, d ayla n Iflis, Ma d asuffeɣ n uklip, yella-d s lmendad n Yasin Messuya.

K.K.

- PUBLICITÉ -