Accueil Tamazight Akman yettkemmil, tifrat ulac, tadamsa tettader

Aṭṭan n Covid-19

Akman yettkemmil, tifrat ulac, tadamsa tettader

251
- PUBLICITÉ -

Ma yella-d rray n usewseɛ n ukman alamma d ass n 31 maggu, ayagi i uḥader ɣef terwiḥin n yimdanen seg unfafad-a amihan, acu kan mačči s tin n teḍsa akken i t-ḥesben kra.

- PUBLICITÉ -

Acku tamsalt, terza yiwen waṭṭan iweɛren, yettiwsiɛen, yessawḍen akka tura ugar n 5 000 n wid yettwaḥuzan deg tmurt n Lezzayer, yeglan s terwiḥt n wugar n 500 d amdan. Seg wass amenzu n remḍan, yuli s waṭas umḍan n wid ihelken, d ayen i yessagaden, ladɣa ma nettwali akman ur ittuqader ara akken ilaq, ladɣa seg tama n yilmeẓyen ur as-ngi ara azal. Deg umalu n tmurt, deg temnaḍt n Wehran, yella-d userreḥ n leḥris, ama seg tama n yiɣallen n laman, ama seg tama n yimdanen yeɛyan deg ukman. Ma d ameslay yeddawaren gar-asen, ttwalin sya ar taggara n waggur n maggu ma yeḥma-d acemma lḥal, ad yenqes umihi yesɛa unfafad, ɣef wakken i d-leqḍen kra n yisallen deg yizeḍwa inmettiyen. Maca mačči akka i d-yewwi ad meyzen, acku d tidet akman labud ad d-yaweḍ lweqt ad yekfu, imdanen diɣen ḥwaǧen d acu ara ččen. Yewwi-d, ad uɣalen ɣer yixeddimen-nsen i ǧǧan qrib sin n wayyuren, maca annect-a, yettili-d s leḥder d uḍfar n yilugan-is. Akken i xedment tmura-nniḍen am Lalman, Fransa, l’Australie, Merruk d tiyaḍ, anida walan yiduba-nsent d lawan ad yettwakkes ukman skud ma tettader tdamsa n tmurt imi tuget n yimdanen ur xeddmen ara. Ɣef waya i gan asaḍuf n tririt n tekmamin i wid merra ixeddmen neɣ yetteffɣen seg yixxamen, seg tama ad tuɣal tudert akken tella zik, seg tayeḍ ad yettekkes kra kra unfafad.

Khaled Achoui

- PUBLICITÉ -