Accueil Tamazight Amazzer n Kefrida deg umahi

Taṣexṛiwt : Amazzer n Kefrida deg umahi

50
- PUBLICITÉ -

Amazzer n Kefrida, d yiwen n umkan i icebḥen nezzeh. Rezzun-d ɣuṛ-s yiḥewwasen seg tal tamurt. Win yellan deg wadeg-nni dɣa, ad yettu akk iɣeblan n ddunit. Ayagi imi tahuski tagamant teddukkel akked ubeḥri aṣemmaḍ azedgan. Lameεna, llan wid ur neḥṣi s wazal-is, llan yeεdawen n ugama i yebɣan ad as-kksen tezdeg-is, ad as-cemmten udem-is. Win i d-iεeddan seg ubrid aɣelnaw uṭṭun 09 ussan-a, ad iger tamawt i uhicuṛ i yettendeggaṛen deg ubrid yettawin ɣer uceṛcuṛ n Kefrida. D adrar n ugudu i yeggugen s wazal n ukilumitṛ kan ɣef umazzer-agi. D anwa i d amasay ɣef waya?

- PUBLICITÉ -

D imẓuren ibeṛṛaniyen i d-irezzun seg tamiwin-nniḍen, i yesfuḥen iberdan? Neɣ d imḍebbṛen n tɣiwant i yefkan afus stehzan, neɣ d wid yesεan tiḥuna snuzun dinna? Γaf usentel-a yenna-aɣ-d yiwen n yilemẓi: « Tamsalt-a, nekki deg-s ula d nekni s yimezdaɣ, acku ur neddukkel ara. D tidet, imasayen n tɣiwant ur rrin ara awellih-nsen i wazal i yesεa umazzer-a. Meεna ur ilaq ara ad yettεassa yiwen deg gma-s. Yal yiwen, ad yexdem ayen iwumu yezmer, ɣas llan di ddunit wid yeṣsexṣaṛen, llan daɣen wid yettqeεεiden. Nekni ad nili seg yineggura-a, d tadukli i tazmert-nneɣ ». Amihi n ugudu yesteεmer ddunit, amdan yugi ad yegzu belli d netta i d tamentilt n waya. Am wakken i yezmer ad d-yili d tifrat-is daɣen.

K. K.

- PUBLICITÉ -