Accueil Tamazight Amcic d uγerda

Cwiṭ seg tmucuha n leqbayel : Amcic d uγerda

91
- PUBLICITÉ -

Qqaren, yella yiwen n umcic akken kan yebda yetturar d ameẓyan, yemlal-d d uγerda d tanudda-s neγ (tizya-s). Tturaren Seg wakken myeεǧaben, ihi tturaren si ṣṣbeḥ ar tmeddit.

- PUBLICITÉ -

Yenna-as umcic: “Ihi i imi nemsefham, azekka ad nemlil ad nurar daγen am wass-a yak?”.

Aγerda, yerra-as: “Ih, azekka taṣebḥit ad nemlil”. Mi yekcem uγerda s axxam-nsen, yenṭeq baba-s γur-s: ”Anida teddiḍ si ṣṣbeḥ ar tura?”. Aγerda: “Annaγ a baba, lliγ tturareγ d yiwen umeddakkel-iw amzun-it”.

-Isem-is umedakel-agi inek?

-Isem-is ah…amcic. Dγa baba-s, tbeddel ṣṣifa-s: “Annaγ ad ak-yexdeε Rebbi, qṛib temeččeḍ ur ẓriγ”.

Yemma-s, texlaε akken-nniḍen: ”Yak a mmi, imcac d iεdawen-nneγ, ur aγ-ḥemmlen ara i tdukli. Lemmer ad aγ-ṭṭfen, ad aγ-ččen”. Aγerda: “Semmeḥ-iyi a baba, semmeḥ-iyi a yemma, dayen ur ttεawadeγ ad uγaleγ, cwi kan selkeγ ». Si tama-nniḍen, amcic mi yewweḍ γer uxxam-nsen, yesteqsa-t baba-s: “Anida teddiḍ si ṣṣbeḥ ay amcic a mmi?”. Amcic: “A baba, lliγ zehhuγ d yiwen uḥbib-iw”. Baba-s: “Isem-is uḥbib-ik?”. Amcic: “Isem-is ah…aγerda”. Dγa tsuγ yemma-s wala baba-s: “Anwa anwa?”. Amcic: “Aγerda ayγer? Acimi?”. Baba-s: “Annaγ ay ameslub, lemmer teḥriceḍ, ad t-id-teṭṭfeḍ i wakken ad t-nečč, yak iγerdayen d ikeryen-nneγ”. Amcic: “Semmeḥ-iyi a baba, nekk d amecṭuḥ ur ssineγ ara, maca azekka ad d-yuγal i wakken ad yurar yid-i, ad t-id-ṭṭfeγ, ad t-nečč”. Azekka-nni tafejrit, yeqsed umcic s axxam, yessawel-as: “Ay aγerda, ay aγerda”.

Aγerda: “Anwa akka? Acu tebγiḍ?”.

-Nekk d aḥbib-ik, ffeγ-d ad nurar

-Ala, ur tturareγ ara.

-Acimi?

-Ayen akken i ak-yenna baba-k leεca, yenna-yi-t-id ula d nekk baba.

Yahia Yanes

- PUBLICITÉ -