Accueil Tamazight Amedyaz i yettidiren taẓuri-s

Lxeyyer Brahimi : Amedyaz i yettidiren taẓuri-s

176
- PUBLICITÉ -

Lxeyyer Brahimi, d anaẓur amedyaz, d amsuneɣ. Ilul di tɣiwant n Ayt Smaɛel deg useggas n 1961. Segmi d-yecfa, netta iḥemmel awal, yesmeḥsis i yimeqqranen, armi d ass ideg iger ad yessefru taffa n wayen yakk i d-yessen di temẓi-s, gar umawal d tmussni. Deg useggas n 1994, yella Lxeyyer Brahimi d aɛeggal imesbeddi n tddukkla tadelsant Adrar n Fad. Yettmektay-d am wass-a asmi i tt-id-snulfan, netta d yimeddukkal-is, di Tizwal.

- PUBLICITÉ -

Mi nebbhent tfaskiwin n tmedyazt, imi iḥemmel asefru d temliliyin, yekki umedyaz Lxeyyer deg waṭas deg-sent, yewwi-d arrazen. Ayen swayes i d-yejbed ddhen n yimedyazen d yinesɣuma, d tewzen n wawal-is akked umawal aqbur i yesseqdac deg yifyar-is. Di Tmurt n Yiqbayliyen akka tura, yettuneḥsab gar yimezwura i yeqqazen ugar deg umawal adigan aqbur. Ula d tiddukkla tadelsant Adrar n Fad tesɛa deg wahil-is tajmilt ara terr i win i d-yeskeflen ayendin d awalen i d-ibanen negren di kra n tamiwin. Lxeyyer Brahim mačči d aḥeddad n wawal kan, maca d anaẓur amsuneɣ i yettgerrizen asbaɣ d urqam.

Yebda-tt seg uxxam-is iwumi yefka udem n tmaziɣt s buhan n wunuɣen d yizamulen. Deg useggas n 2010, yessuffeɣ-d s tallelt n tddukkla Adrar n Fad adlis n yizamulen n rrqem s uzwel n « Yal azamul yesɛa azal ». Kra n yiseggasen ɣer sdat-s, yerna-d ammud-is n yisefra amenzu « Tisit n Udrar n Fad », ideg i d-yewwi taḥawact n yisefra-s, gar uqbur d umaynut. Iɛerreḍ daɣen ad yexdem isaragen ɣef yiqennucen d usefru, am wakken i d-yesnulfa “Tanedlist yettḥerriken” akken ad yessiweḍ s timmad-is adlis i wid iɛeddzen.

M. K.

- PUBLICITÉ -