Aguren, ttlalen-d deg umterwi. Amezruy n wagguren yura s tekriḍt tamterwayt (chaotique) yenneclen fell-as, alarmi i yeɣma yis-s! Seg i d-tlul tafukt, werεad kan mmarent kra n tmerwin n yimelyunen n yiseggassen deg tudert-is, iwedcen n yiẓra imeqqranen d twarracin n ugris yenẓan deg uzayzay azi n tafukt, ttemyakcamen di temderra (collisions) timeqqraḥannin, fettin, ttburkusen, ttemyunḍaḍen wa ɣer wa. Sekkud ttzayzayen, tennḍen ɣef tafukt i ten-yurzen s tenzeɣt-is tazayzayant tameqqrant, simmal ttburkusen, ttnernin di temɣer ugar, skud gemmen d izduzen simmal ttkernennin ugar, tettuɣal talɣa-nsen d tagnunnayt (sphérique). S wakka, ttuɣalen d inzaguren (protoplanètes) i yeqqlen syn ɣer-s d aguren akken i ten-nettwali ass-a.
Talallit n tafukt d unagraw-is
Zrin azal n 5 n yimelyaṛen n yiseggasen seg wasmi tanga is tgem tafukt d wagguren tella deg talɣa n wabbu aneggaḍ n yigazen d takka iwumi neqqar tagut tafukant. S umiri n wakud, deg tagut-agi tamenzut deg i yella ugar n yiferdisen d ahidṛujin d uhilyum, wamag iferdisen-nniḍen drus maḍi i yellan imiren, ur ttawḍen ara azal n 1%, tgem-d tbuciḍant (taɛeǧǧaǧt) yessemnennin tanga ɣer wammas i tt-yerran zun d amaḍal (tagnunnayt) n yigazen iwumi i d-yezzi uzebg n yigazen d takka-nni i d-yefrurin s ufella.
Skud arrumen-agi ttnerdamen s tenzeɣt tazayzayant yettimɣuren ugar, simmal ḥemmun ugar, tettnerni taẓɣelt-nsen, alamma tfal nnig n teẓɣelt n ufsay n tenga, tettuɣal zun d tirget. Syin ɣer-s, taẓɣelt tettaweḍ azal uzḍin, yilakken ad mmendagent temyigiwin n tinnefsayt taẓeɣlaɣisant ɣer wammas n takurt-agi n timest, anida sin ipṛutunen, iɣsan n yibelkimen uhidṛujin, ad nnefsin gar-asen i wakken ad d-silɣen ar taggara usekkir n tinnefsayt taẓeɣlaɣisant yiwen yiɣes uhilyum 4 (yulin s sin n yipṛutunen d sin n yinutṛunen), am wakka i t-id-yeskanay wudem-agi. Anzitri yuɣ talemmast unagraw, ma seg uzebg i as-yennḍen, frurin-d wanzaguren, tigurarin, ismilen d tɣawsiwin-nniḍen n igenwan.
Dahmane Mazed
Tamawalt d tesniremt (Glossaire et terminologie) :
– Anneau : Azebg (izebgan)
– Applati : Aleffas
– Arrondir : Skurnenni
– Arrondir (être -) : Kurnenni
– Astéroide : Tagurart (tigurarin)
– Attraction : Tanzeɣt
– Attraction gravitationnelle : Tanzeɣt Tazayzayant
– Autour : Azi
– Bloc (de matériau divers) : Akurra
– Boule (globule) : Tawaract
– Ceinture (de Kuiper) : Aggus (n Kuiper)
– Champ gravitationnel : Iger azayzayan
– Chaos : Amterwi
– Chaotique : Amterway
– Chiffre : Azwil (izwilen)
– Citation : Tasebdert
– Citer : Bder
– Collision : Tamderrit
– Comète : Tamesriwt, Asmil
– Conserver : Ḥerz
– Constituer, consister : Kmen
– Contenir : Segber
– Contenu : Agbur
– Critique (valeur) : Uzḍin (azal)
– Densifier : Nẓu
– Densité : Taneẓẓi
– Désordre : Amterwi
– Déteindre : Ncel
– Diamètre : Akdu
– Dimension(s) : Tasekta (Tisektiwin)
– Disque d’accrétion : Aḍebsi n teftalt
– Distance : Ameccaq
– Dizaine : Tamrawt
– Ecoulement (du temps) : Amiri (n wakud)
– Effondrement : Annerdem
– Effondrement gravitationnel : Annerdem azayzayan
– Effondrer : Nnerdem
– Elément : Aferdis
– Eloigné : Igugan, yuɣalen akkin
– Ensemble : Taggayt
– Equateur : Asebges
– Etroit : Wezzil
– Externe : Uffiɣ
– Force : Tazma (Tizemwin)
– Fumée : Abbu
– Fusion : Tannefsayt
– Gaz : Agaz (igazen)
– Géant : Aɛejgul
– Géantes gazeuzes (planètes) : Iɛejgulen igazuzen (Aguren)
– Glace : Agris
– Glisser (débouler, coulisser) : Ḥrured
– Globe : Awarac
– Globule : Tawaract
– Grummeau : Aburkus
– Grummeler : Burkes
– Helium : Ahilyum
– Hydrogène : Ahidṛujin
– Intérieur (adj.) : Agensaw
– Intérieur (n.m.) : Agensu (Igensa)
– Interne : Agensas
– Jupiter : Ubdir
– Masse (grandeur) : Tazdezt (Tasrawt)
– Masse (matière compacte) : Awdec
(ma d ameẓyan: tawdect)
– Matériau(x) : Arrum (arrumen)
– Matière : Tanga
– Mélange : Arkis
– Métal : Iẓbi (iẓban)
– Motte (de terre) : Akerra
– Mouvement : Amussu (imussa)
– Neptune : Neftun
– Neptune : Neftun
– Nuage solaire : Tagut tafukant
– Planaire : Ugniw
– Planétoide : Azunagur (izunaguren)
– Pluton : Blutes
– Pôle (pôlaire) : Asfaylu (isfuyla)
– Poussière : Takka
– Proportion : Taẓunt
– Propriété(s) : Taskilt (tiskilin)
– Protoplanète : Anzagur
– Rapport : Assaɣ
– Réguler : Slugen
– Satellites (lunes) : Igensawen (tizira)
– Saturne : Ṣaturnus
– Supporter : Ṭṭef addud
– Système solaire : Anagraw afukan
– Température : Taẓɣelt
– Température critique : Taẓɣelt tuzḍint
– Thermonucléaire : Aẓeɣlaɣisan (t-t)
– Tourbillon : Tabuciḍant
– Unité (de mesure) : Tiggett (n wesket)
– Unité astronomique : Tiggett tasnitrant
– Uranus : Uṛanus
– Violence : Takriḍt
– Zone : Tafuɣalt
D.M.