Accueil Tamazight Amulli n Tahar Djaout

Asmekti : Amulli n Tahar Djaout

448
- PUBLICITÉ -

«Ma tennid-d ad temteḍ ma, tessusmeḍ ad temteḍ. Meqqar ini-d, temteḍ»… ilul Tahar Gaεut ass n, 11 deg yennayer 1954, deg Ulxu di Tizi Uzzu. Yeɣra deg uɣerbaz amenzu n taddart-is armi d aseggas n 1964, anda tunag twacult-is ɣer Lezzayer tamanaɣt. yewwi-d agerdis n lisens deg tusnakt seg tesdawit n Lezzayer. 4 n yiseggassen uqbel, yura tullist Les insoumis. Tewwi arraz n temsizelt taseklant Zone des enquêtes, imir i d-yeffaɣ udlis-is Les chercheurs d’os. Yebda yettaru deg uɣmis n El Moudjahid, syin ɣer L’Hebdomadaire.

- PUBLICITÉ -

Yunag ɣer tmurt n Fransa netta d tmettut-is d yessi-s akken ad iɣer armi d 1987. Yuɣal-d ɣer tmurt-is. Dinna ibeddel abrid seg yidles ɣer tsertit. Di tɣamsa, yerna-d ungal-nniden L’Invention du désert. Ad d-yeslal deg 1992 ɣer tama n Urezqi Meṭref d wiyaḍ aɣmis Ruptures, ad yernu sin wungalen L’Exproprié d Les Vigiles. Yettwawet s ṛsas sɣur imṭurfa ass n, 26 deg maggu 1993, sdat n uxxam-is s snat n teṛsasin s aqerru. Yemmut ass n, 2 deg yunyu 1993.

Ungal-is aneggaru, isem-is Le dernier été de la raison, yeffeɣ-d deg 1999. Seld lmut-is, yeslul-d Ugraw n tsekliwin n Fṛansa taɣessa i useḥbiber ɣef yimyura. Uɣalent-as aṭas n tejmilin am BBC ixeddmen fell-as asaru, isem-is shooting the rwitter, Lwennas Maεtub ixdem-as tizlit Kenza yelli-s n Tahar Ǧaεut d tajmilt deg-s yeqqar-as « Γas neqqden acḥal d itri, igenni ur inegger ara».

Nisma Tigrine

- PUBLICITÉ -