Accueil Tamazight Apprendre la guitare n Hocine Ouaguenini

Ajdid deg tira

Apprendre la guitare n Hocine Ouaguenini

124

Apprendre la guitare d adlisfus i ulmad n tɣuri n uẓawan akked tyita n ugiṭar i d-yesuffeɣ i yiman-is uselmad n uẓawan Hocine Ouaguenini. Deg umnir-agi i d-yeffɣen i tikkelt-nniḍen deg tezrigt-is tis snat, ad naf 18 n tezlatin i yettwarun s uẓawan-nsent akked yisefra-nsent. Am wakken i d-yessegza uselmad-agi amek ara d-yili wurar n tgiṭart akked tɣuri n yimesla n uẓawan i wid yebɣan ad ten-lemden.

Gar tezlatin i d-yefren Hocine Ouaguenini, ad d-nebder Baba Inuba, Cfiɣ, Aya lxir-inu, Abeḥri n tmeddit, Ajeǧǧig n Idir, Ḥemmleɣ n Si Moh, A yemma ɛzizen ur ttru n Farid Ali, Linda n Les Abranis, Ay agellid mulana n Allaoua Zerrouki, Lezzayer n Cherif Kheddam, Tabalizt n ( Hsissen)Ali Amrane, Mi ara d-yuɣal n Djamel Allam, Aqlalas n Mouloud Assam, Anfet-iyi kan n Ali AMrane, Lbaz n Ideflawen, Gibraltar (aẓawan) n Djamel Allam. Mebɛd mi d-yessefhem umeskar isem akked wazal sɛant yakk tezmilin n uẓawan (Do, Ré, Mi, Fa, Sol, La d Si), iɛedda ɣer wamek i yezmer yiwen ad d-iɣer awalen n tezlit s uẓawan-is. Yal tizlit, tettwaru s wunuɣen-is akked yisefra-s deg yal asebtar. Yenna-d diɣ acu n ssenf uɣur teqqen yal tizlit akked unya-ines (rythme) (4/4, 6/8…).

Ɣer taggara, yefka-d umẓawan tadabut i umawal i yettwaseqdacen deg uẓawan yecban le Solfège, la tablature, l’arpège, la mesure, la partition, les temps, chiffrage de la mesure…atg. S useqdec n udlisfus-agi, yal yiwen ara yerren ddehn-is u iḥemmel aẓawan d ugambar, yezmer ad d-yawi iman-is deg kra n wussan kan. Ihi, tirmit igerrzen.
Hocine Moula