Accueil Tamazight Asfuggel n yennayer deg usamar n lwilaya

Bgayet - Amagger n useggas amaynut n yimaziɣen : Asfuggel n yennayer deg usamar n lwilaya

106
- PUBLICITÉ -

Yettban-d iseggasen-a ineggura simmal yettimɣur wazal n yennayer ɣur ugdud, yettnadi ad t-yefhem ugar, yettak-as akk akud ilaqen di tegnatin n lasel d tumert.

- PUBLICITÉ -

Dɣa, deg usamar n Bgayet, akk tiɣiwanin, grent-d irebbi i tfaska-a tansayant, abeɛda s ufus n yilemẓiyen n umussu asdukklan. Ama deg Suq Letnin, Iderginen, Xerraṭa, Ayt Smaɛel neɣ d Tasexriwt, deg yal yiwet seg temnaḍin-a yettwasuddes-d xersum yiwen n warmud i lmend n usfuggel n yennayer, ixef n useggas amaziɣ 2969. Ma nemmeslay ɣef tɣiwant n Yiderginen, d tiddukkla « Oxy-jeunes » i d-iheggan tikkelt-a armud imi deg yiseggasen yezrin, tella tettekkay kan d tikkin. Deg wahil amerkanti i d-thegga, yella-d umsizwer n tgella tansayant ifazzen, wayeḍ d win n tewlaft akk icebḥen n tɣiwant n Yiderginen akked umsizwer n temskkent yufraren. Deg Tsexriwt daɣen, am wakken i d-nberreḥ deg teẓrigin-nneɣ yezrin, gant afus deg ufus kra n tddukkliwin n tama-nni armi ssawḍent heggant-d ddeqs n yiqeddicen s wazal-nsen. Am yisaragen, timsikniyin. amsizwer n tgella, amezgun d usenɛet n tmelsi. Ma deg tɣiwant n Ayt Smaɛel, ur d-yettwasuddes uqeddic d ageɛmir akken tennum tddukkla tadelsant Adrar n Fad. ḥaca amsizwer n wunud (plat) ansayan i yemmuggen, imi aṭas n tlawin i t-yettraǧun, akked usarag i yemmuggen, ass n sem 11 yennayer, deg Uxxam n yilemẓiyen Mulud At Mɛemmer n Ayt Smaɛel.

M. K.

- PUBLICITÉ -