Accueil Tamazight Asicbeḥ n tlemmast n tɣiwant

Mɛatqa

Asicbeḥ n tlemmast n tɣiwant

46

D yiwet n tsentayt s wazal-is, yella-d usicbaḥ n yiɣerban n tlemmast n tɣiwant n Mɛatqa, ladɣa abrid yettawin ɣer Uxxam n tɣiwant, ɣer lbusṭa d Uxxam n dayra. Ayagi, yedra-d sɣur yixeddamen ilmeẓyen n tɣiwant, s lmendad n tddukkla tadelsant Ixulaf n Tlelli n Mɛatqa, Aseqqamu aɣerfan n tɣiwant n Mɛatqa, anda d yella usicbaḥ n iɣerḅan n tlemmast n Ssuq El Xemmis, ladɣa abrid yettawin ɣer uxxam n tɣiwant, ɣer lbusṭa, d uxxam n Dayra n Mɛatqa. Ssawḍen yilmeẓyen i iqeddcen deg ugraw d kra n yimeltaɣen n tddukkla Ixulaf n Tlelli, ad d-ssunɣen kra n wunuɣen igerrzen nezzeh ɣef yiɣerḅan n temdint. Dɣa yiwen n uɛeggal n tddukkla Ixulaf n Tlelli yenna-d: « Ad nerr tajmilt meqqren i yinaẓuren d imekla (peintres), gar-asen Djamel Issaoun , Samir Terki, Massinissa Numide Ahmane, Aghilès Grim d wiyaḍ-nniḍen , ɣef ussisen xeddmen akken ad d-cebḥen udem n tɣiwant ». Ula d imezdaɣ n ayra n Mɛatqa, ferḥen aṭas s wunuɣen i icebḥen udem n tlemmast n temdint-agi. S kra n yimsebriden i d-iɛeddan sdat n inemkla, fkan-asen afud meqqren. Dayen i asen-yefkan afud akken ad d-kemmlen deg tigawin yecban tigi.

Ad d-ssuddsen taẓrigt tamezwarut n tfaska n tament

Ad d-tessuddes tddukla tadelsant Tajadit n taddart n Tajeddiwt s tallelt n Useqqamu aɣerfan aɣiwan n Mɛatqa taẓrigt tamezwarut n tfaska n tament, ass n sem, 25 seg Tubeṛ 2019, seg 8h00 n tṣebḥit ar 18h00 n tmeddit deg taddart n Tajeddiwt i d-yezgan deg tɣiwant n Mɛatqa. Ad tili teẓrigt-agi tamezwarut n tfaska n tament, d tagnit i yifellaḥen n tɣiwant akken ad seknen lɣella-nnsen i yimdanen ara d-yerzun ɣer tmeɣra-agi. Ɣer yidis n temsikniwin n tament d isufar iqburen, ad d- ilin yisaragen ɣef usileɣ deg ttrebga n tzizwa, d wamek ad d-yili unegmu n uḥric n ttrebga-nsent. Rnu ɣef waya, ad d-tili tumla n tarayin n tukksa n tament seg teɣrasin.

Am wakken ad d-yili, daɣen, unaɛruḍ n tament sɣur yinebgawen n tfaska. Deg yiseggasen-agi ineggura, yella-d lḥir meqqren sɣur yimḍebbren teɛna temsalt , ladɣa Tanmehla n srabes n tfellaḥt n lwila n Tizi Uzzu d Uxxam n tfellaḥt ɣer yidis n Tenmehla n useḥbiber ɣef tẓegwa. Dɣa, deg wagguren iɛeddan i d-yella ufraq n wazal n 6 000 n teɣrasin n tzizwa akked leqdicat-nniḍen, ama d ussan n usileɣ, isekwan, d temsizla n ufellaḥ ifazen deg ttrebga n tzizwa, i d-isaḥen dɣa i Mass Tarmoul Smaɛil n taddart n Tiɣilt Maḥmud n tɣiwant n Mɛatqa.

Ali Zalouk