Ilul Besεud MuḥendAεrab ass n 24 deg duǧember deg Yiwaḍiyen di Tizi uzzu. Yella d aselmad deg Tgemmunt Leǧdidn uqbel ad yekcem s Akabar n uɣref azzayri PPA, syin ɣer FLN d ALN. Yettuceggeε ɣer Merruk ad yawi leslaḥ deg yiwet n teɣdelt maca yettwaṭṭef, u yettwaḥbes, maca yuɣal-d ɣer tmurt-is mi tewwi Lezzayer timmunent-is deg useggas 1962 Ameɣnas-a, urǧin yeqbel lεeskar n tlisa d tsertit-nsen.
Yessuffeɣ-d adlis-is «Heureux les martyrs qui n’ont rien vu» deg 1963 anda i d-yemmeslay yef tmenɣiwt n Ɛebban Remdan, lmut n Ɛmiruc Ayt Ḥemmuda d si Lḥewwas. Am wakken i d-yehder diɣ ɣef ddel yedder deg yiwet n tuɣdaḍt (la mission) ayen yeǧǧan imsulta ad nadin fell-as. Deg taddart-is ara yeddari armi d tanekra n yiɣallen inemlayen FFS deg useggas n 1963. Maca s umsedfar n yineḍruyen d imḍebbren n tnekra ukud ur yemsefham ara, ad yaf d-iman-is deg Merruk, syin ɣer Fṛansa anda yedda deg lbabur daxel n texzant. Aseggas kan umbaεed, ad yessufeɣ adlis-nniden «FFS, espoir et trahison». Seg yimir-n i tebda tegnit n leḥris ɣef Bessεud Muḥend Aɛrab armi yewweḍ ɣer Legliz, dinna ara yezweǧ d Dorothy Bannon, yessen deg Fṛansa.
Ad sεun aqcic, isem-is Yuba. S ufus n tallelt i dfkan yineɣmassen izzayriyen isdwaniyen d yimeɣnasen-nniḍen, ad yuyal umaziɣ ɣer tmurt-is deg useggas n 1997. Yelal-d umeɣnas n tmagit d yidles amaziɣ ɣer tama n yimddukkal-nniden, am Tawes Ɛemruc Agraw Amaziy i unadi d tezrewt idelsanen i yefkan afud i yimeynasen yeqqimen deg tmurt. Gan ussan n ddurt s tmaziɣt, imḍanen, tasawast d wannay amaziɣ d ugemmay n tfinaɣ deffir-ayagi, yekker leḥris ɣef tmaziɣt sɣur wid yettawin ɣer lḥebs arrac yuran isekkilen n tfinaɣ ɣef iselsa-nsen armi d Tafsut n 1980. Yemmut deg umenzu n yennayer 2002, deg sbiter n tmurt n Legliz.
Nisma Tigrine