Accueil Tamazight Asmekti n tmenɣiwt n Samɛil Yefṣeḥ

Udem gar wudmawen

Asmekti n tmenɣiwt n Samɛil Yefṣeḥ

86

Yella-d usmekti wis 26 n tmenɣiwt n Smaɛil Yefṣeḥ ass-nni n lǧemɛa, 18 deg tuber 2019, deg taddart-is Tala Ɛmara, deg lwilaya n Tizi Uzzu. Mbeɛd asrusi n tmeqqunt n yijjeǧǧigen ɣef uẓekka-s, yella-d wawal sɣur gma-s Ɛebderraḥman akked kra n tnagiyin n yinebgawen. Syin, walan wid yerzan ɣer din yiwen ufetray i yettwaxedmen fell-as sɣur Cherif Mammeri. Deg taggara, tella-d lwaɛda n seksu am yal aseggas. Ilul Smaɛil yefṣeḥ ass n, 29 tuber 1962, deg Tala Ɛmara di lwilaya n Tizi Uzzu. Yeɣra deg uɣerbaz amenzu n taddart-is. Yesɛa agerdas n lisens deg tsertit assaɣen iɣelnawen.

Yebda axeddim deg tiliẓri taɣelnawt n Lezzayer «ENTV», tuddsa n udabu, anda yal awal s leḥsab, ladɣa deg ayen yeɛnan tamaziɣt. Yessen adabu d tsertit-is, ihi yekka-d nnig tḥerci-s imi yexdem mmi-s Tala Ɛmara deg unbir n 1988, seld tanekra n tuber 1988, yiwen afetray s tmaziɣt anda, mi yeffeɣ s annar, wid yesseqsa, rran-as-d s teqbaylit netta yessuqul-d ɣer taɛrabt tikwal, tikwal xati. Mi t-yefka i yimḍebbren, yessawel-as-d unemhal, ɣef waken i d-nnan, yenna-as d akken ɣezzif, ilaq ad-as yessenqes. Mačči srid, maca yesfahm-as-d belli ahric-nni n tmaziɣt, ilaq ad yettwikkes.

Yessenqes uneɣmas ilemẓi yessenqes lweqt s tukksa n uhric-nni n taɛrabt, akken ad yili d afetray amezwaru ara d-iɛeddin s tmaziɣt di tilizri taɣelnawt. Ayen ara d-yawin aṭas n teɛdawit i Smaɛil yefṣeḥ, ɣef wakken heddren imir yimeddukkal-is. Deg yiwet n tvidut i itezzin deg uẓeṭṭa inmetti, yiwen n umṭṭarfu, yettgalla di Smaɛil Yefsah deg ubrid, yeqqar-as : « Kečč d azeggaɣ (anemlay), nessen-iken yiwen yiwen ad nezzi fell-awen s» Smaɛil Yefṣeḥ, yettarra-as : « ur ak-id yecqi ara».

Yufrar-d s cbaḥa-s d tutlayt-is fessusen. Yesɛa tagnit, ad yawed taɣelnawit, maca iɛdawen n tudert, gezmen-as iferrawen ass n, 18 tuber 1993, mi d-yeffeɣ tasebḥit seg uxxam-is di Bab Zzewwar. Mi iteddu s axeddim, qusmen-as wid iẓẓuɣren tamurt s uqerruy ɣer yiḥemmalen n yidammen n terwa-s deg tɛecret taberkant. Wwten-t s ijenwiyen, amzun ur tt-qqiden ara, kemmlen-as s kraḍet n terṣasin. Yeɣli Smaɛil Yefṣeḥ, yeǧǧa-d tilemẓit i d-yeddan yur-s 39 n wussan kan uqbel timenɣiwt-is. 11 n wussan kan uqbel amulli-ines wis 31. Aṭas n tejmilin i yuɣalen i uneɣmas, gar-asent tiɣri n taǧǧalt n Lwennas Meɛtub. Ugar n 100 n yineɣmasen-nniden i yeɣlin d iseflan i tɣamsa d wawal n tidet, maca, akken yeqqar Mmeɛtub « Ɣas neqqḍen acḥal d itri, igenni ur inegger ara».

Nisma Tigrine