Accueil Tamazight Asmekti n tmettant n Brahim Izri

Tameddurt : Asmekti n tmettant n Brahim Izri

99
- PUBLICITÉ -

Izri Brahim, d acennay aqbayli. Ilul ass n, 12 deg yennayer 1954 deg Wat Leḥsen, deg tama n At Yanni. Yemmut ass n, 3 deg yennayer 2005 deg Fransa, yemḍel deg tmurt-is ass n, 8 deg yennayer 2005. Yekker-d u yelmed Brahim Izri aẓawan deg zzawiyat, ladɣa deg tin Jeddi-s Lḥaǧ Belqasem i yellan ddaw n n At Yanni. Yella yakan d aɛeggal n ugraw Igudar. Am wakken i yetturar tagiṭart i ucennay ameqqran Idir, syin iwesser u yebda amecwar-is n ccna deg useggas n 1970. Deg useggas n 1999, yemlal d ucennay Maxime Leforestier d Idir anda i dtlul tezlit Tizi Uzzu seg tezlit tanaṣlit San Francisco.

- PUBLICITÉ -

Xas akken yella yehlek, meɛna ikemmel yessekles album-is aneggaru. Zyada ɣef umecwar-is n ccna, yella yettnaɣ ɣef yizerfan n umdan, am wakken i d-yettak afus n tallelt i tmurt-is yal mi ara teḍru twaɣit. Akka dɣa i d-yerra i teɣri n uḥemmal n temdint n Bab Lwad, tiɣri diɣ i wasmi tenguga lɣaɛa deg temdint n Bumerdas. Am wakken i iga netta akked d yiwet tcennayt-nniḍen Kamila Adli leqdicat imeqqranen anda ɛawnen wid-nni tḥuza Tefsut taberkant n 2001 deg Tmurt n Leqbayel. Tettuxleq-d imir tddukkla ATKP ( Association des taxieurs kabyles de Paris) i ixedmen tigawin timeqqranin, ladɣa asuffeɣ n wayen yeḍran i Yiqbayliyen ɣer umaḍal s wayen. Gar wayen yecna ad naf « D acu-yi », « Ala, ala », « D ifrax i nella », « A Lbudala », atg…

Hocine Moula

- PUBLICITÉ -