Accueil Tamazight Asmekti wis 4 n tmettant n Hocine Ait Ahmed

Udem gar wudmawen

Asmekti wis 4 n tmettant n Hocine Ait Ahmed

193

Ḥusin Ayt Ḥmed d argaz n tsertit, illul deg wass n, 20 ɣuct 1926, deg At Yaḥya di tmurt n Leqbayel, yemmut ass n, 23 duǧember 2015, di Lusan di tmurt n Swis di lɛemmr-is 89 n yiseggasen. Asmi yesɛa 15 n yiseggasen deg leɛmer-is i yebda amennuɣ-is asertan deg ukabat PPP. Yella gar wid i d-yeslulen Tuddsa tusligt OS anda i yuɣal d imeḍebber amezwaru asmi yemmut Mohamed Belouizdad. Yenfa ɣer tmurt n Maṣer anda yella gar 9 n yiɛeggalen yessedduyen FLN.

Yejbed-d iman deg GPRA akked tuddsiwin akken kan tewwi Lezzayer timunent deg useggas 1962. Syin, yeslul-d akabar FFS i yeṭṭalaben tugdut akked yizerfan n umdan . Yettwaḥbas u yettwaḥkem fell-as s lmut deg useggas n 1964. Yerwel-d deg-s deg useggas n 1966. Yenfa ɣer Swis, ur d-yuɣal ara armi 1988. Syin yeffeɣ daɣen mi yettwanɣa Boudiaf deg useggas 1992.


Tiṭ tettru fell-ak, tettru ɣef tmurt-nni ɣef i tennuɣeḍ. Temmuteḍ d aɣrib anda akken ulac azwu n wakal-ik, anda akken tasa terɣa ɣef yimal yeǧǧan tamurt n Lezzayer. Ass-a, mačči d tajmilt kan i tuklaleḍ, ilaq adlis umezruy ara nelli i wakken ad nwali seg wansi i d-tekkiḍ, d wanda teddiḍ i wakken wid iwumi teɛraq tansa, ad tt-id-afen. Win yuysen ad izer belli asirem yettili deg wul. Sgunfu ɣer tama n wid-nni yefkan iman-nsen i lmut i wakken ad yeḥyu useklu n tudert. Ass-a, kečč ruḥ di talwit, nekni mazal-aɣ deg ubrid-ik

‘’ I kečč ay aneɣmas,
Tigawt d wawal,
Tamuɣli s leqyas,
D usrid ur imal,
Ad nkemmel s tissas,
Tamurt ɣer warraw-is ad tuɣal’’

Chanez Dahlal