Asmel n uselmed n tmaziɣt, d yiwen n tansa i d-snulfan kra n yiɛeggalen n tddukkla Numidya di Wehran. D asenfar yebḍan ɣef ukkuẓ n yiḥricen; Timsirin i uselmed, amawal, timucuha i warrac d uɣmis aliktruni. Asenfa-a, yettusemma s yisem n “Asemres n tetiknulujiyin timaynutin i useḥbiber d usnefli n timawit tamaziɣt”, yella-d s tallelt akked tdukli n lurup (UE). Yebda seg useggas n 2016, yekfa deg 2018. Ayen yerzan amawal, d iseggasen-aya segmi bdan anadi n wawalen, ssawḍen ad d-jemɛen 20 000 n wawalen. Sya d asawen, yezmer ad ikemmel. Ayen yerzan timsirin n tutlayt d yiluɣma, bdan yakan keccmen deg-s wid iran ad lemden, llan daɣen wuraren (quiz) akken ad iẓer yal yiwen s anda yessaweḍ uswir-is. Ma d aɣmis “Tafukt”, yessemlal-d aggagen d yimyura n waṭas n temnaḍin n tmurt yettceyyiɛen iḍrisen-nsen akken ad ten-ɣren wiyaḍ, Ula d kra n yimyura seg ugemmaḍ, ttarun deg-s. Tansa n tmucuha, ad naf deg-s d timucuha i yimeẓyanen ilan azal deg tmetti-nneɣ, tid yellan s timawit. Ffɣent-d ar tura 6 n tmucuha deg site-agi, akken daɣ i d-ffɣent s talɣa n lkaɣeḍ s wunuɣen icebḥen, ar taggara n usebter yella yiwnes ussid (CD). I wid yebɣan ad rzun s asmel-a, ad gren tiṭ, yegra-d kan ad arun: timucuha-numidya.net, tafukt.net, timsirin-numidya.net.
Khaled. A