Accueil Tamazight Astixer n usleɣmay : D abrid ɣer tifrat ahat ?

Tarbaɛt n JSK : Astixer n usleɣmay : D abrid ɣer tifrat ahat ?

33
- PUBLICITÉ -

Ahat ur rkiden ara ussan-a yigemmaḍ n terbaɛt n yilemẓiyen n Leqbayel, abeɛda seld tuffɣa deg uḥric wis 32 seg Teqbuct n Lezzayer mgal tarbaɛt n Ɛin Mlila. Ayendin d tizeɣnin i d-yemmaren ɣef yimḍebbren sɣur kra n yimceǧǧɛen, tugart-tugart ɣef uselway Crif Mellal. Aṭas i yettmesteqsayen d acu i d ssebba n waya? Acimi mačči ɣef usleɣmay i d-wwten ? Ayen yesḥissifen ugar mi deg tkemmict-a, llan wid yessuturen deg Crif Mellal ad yeqceɛ srid, mačči ad ibeddel asleɣmay neɣ ad iseggem kra n tlufa. Amzun ihi d aselway kan i d ugur ɣef tmuɣli-nsen, ɣas ulamma, snagayen akk ɣef waya, urǧin tettcabi JSK ɣer tin n zik am tura mi tt-yeṭṭef Crif Mellal.

- PUBLICITÉ -

Amberraz n Merruk yefka-d udem

Ẓran akk medden acu yeḍran di Tmurt n Merruk seld mi texser JSK mgal Raja tadigant. Ula d tavidyut n lhul-nni yesres-itt-id yiwen n Umerruki di Facebook. Deg-s yettban-d amek lfan kra n yilemẓiyen imḍebbren deg usensu ɣef ṭṭnac n yiḍ, armi ḥman yidammen, kkrent tyitiwin wa deg wa. ɣef wawal n ubugaṭu n JSK, i d-igan tavidyut, annect-nni yekcem deg tigawin n ussabuṭi n uselway amiran. Yernu yewɛed azayez d akken ad tger tenmehla di ccraɛ kra n win i yebɣan ad ihudd neɣ ad yessames tarbaɛt. Yessawel daɣen i yimḥemmalen n JSK ad ilin yid-sen akken ad ṭṭfen di tsertit-nsen n urray (n tririt) n lhiba i terbaɛt n Ǧerǧer.

Lexsara n Ɛin Mlila, teffeɣ afus

Akken i d-nenna tazwara, teffeɣ JSK seg Teqbuct n Lezzayer mbeɛd mi texser 1-0 mgal Ɛin Mlila. Ɣef wawal n tɣamsa, yekki deg waya ula d anefray n temlilit, ladɣa mi yugi i JSK sin n yiswan di taggara, maca ur iɛeṭṭel ara ad yefk apinalti ur nban i Ɛin Mlila. Ilaq ad d-nini akken bɣun gan yigemmaḍ, mačči d aselway i yetturaren deg unnar.

M. K.

- PUBLICITÉ -