Accueil Tamazight Belkhir Mohamed d acennay n tayri d tmetti

Ajdid deg ccna : Belkhir Mohamed d acennay n tayri d tmetti

53
- PUBLICITÉ -

Belkhir Mohamed Arezki, s yisem-is n tẓuri Belkhir Mohamed, d anaẓur, si zik-is iḥemmel ccna aqdim, isell aṭas i radyu tis snat, ladɣa tidwilin-nni n ccna. D acennay n temnaḍt n At Wagennun, yeddan deg ubrid n yinaẓuren imeqranen n tama-a. Ulamma seg useggas 1985 i yebda ccna i yiman-is, syin akkin deg useggas n 1989, iɛedda-d deg tedwilt-nni “Ifennanen n uzekka” n Mdjahed Hamid. Maca armi d 2006, i yessaweḍ ad d-yessufeɣ tasfift-is tamezwarut, iwumi isemma “Lehna”, di 2008 yerna-d tis snat, yefka-as azwel-a”Fiḥel”.

- PUBLICITÉ -

Syin ɣur-s, yeqqim 10 n yiseggasen, i wakken ad yernu tasfift-is taneggarut, iwumi iga isem “Fliksi-as-d”. Yesmenyif ad yecnu s ṣṣenf n cceɛbi, am wakken daɣen icennu ccna n tmeɣriwin. D isefra-s i icennu di tezlatin-is, gar yisental iɣef icennu ad nebder: Tayri, timetti, lḥif, tizlit tamḥaddit…atg. Tineggura-agi, ha-t-an deg ustudyu, yettheggi tasfift-is tis rebɛa, ideg ara ilit 10 n tezlatin. Ad nebder gar yizwal n tezlatin-a: Tajmilt i Matoub, lalla,…atg. Ɣer taggara, ad d-nesmekti kan belli, afennan Belkhir Mohand, yella yesmeḥsis i yicennayen iqburen “Slimane Azem, Salah Sadaoui…atg, armi i-d-yufa iman-is d acennay.

Adaoun Abdelghani

- PUBLICITÉ -