Accueil Tamazight Cabha Ben Gana ‘’Tira tessidir, tesuzun tirga’’

ILMEẒYEN ASSA

Cabha Ben Gana ‘’Tira tessidir, tesuzun tirga’’

377
- PUBLICITÉ -

Cabḥa Ben Gana, d yiwet n tlemẓit  i yettmeslayen s yimru, d  tanelmad deg Ugezdu n tutlayt d yidles amaziɣ n Tizi Uzzu , d tamyarut. Tesɛa sin n yidlisen, amenzu d ungal i d-yeffɣen deg useggas n 2018 iwumi tsemma Amsebrid. Ungal-a, yettmeslay-d  ɣef sin n watmaten i d-yekkren di lḥif, yiwen seg-sen yesɛa 11 n dderya, ma yella d wayeḍ-nni, ur yesɛi ara aṭas yernu yettidir di Fransa. Yiwet n tikkelt, yegzem-itt di rray akken ad yawi tawacult-is ad yinig ɣer tmurt n Fransa. Iruḥ, yeǧǧa-d gma-s yettkemmil tudert di lḥif, syin yerna ɣur-sen uqcic wis 12, d amaẓuz, d winna i ten-irefden. Tameṭṭut, tebɣa ad tekkes taɛdawt i d-ilulen gar watmaten, tenna-as ad as-d nexḍeb i Usirem yelli-s n ɛemmi-s Kenza. Asirem, yella yakan iḥemmel yiwet qqaren-as Tilelli…

- PUBLICITÉ -

Ungal-agi,  yelḥa s waṭas deg tnedlisin. Tqbaylit i tessexdem deg-s temyarut, amzun tɛedda deg uɣerbal, akken daɣen tessexdam kra n tenfaliyin izaden ma gar-asent:  “Ur yi-ttaǧǧa ara ad gneɣ ay Asirem, uggadeɣ limmer ad d-kkreɣ, ad d-afeɣ d targit i urgaɣ, ur yelli kra deg wayen akka ttidireɣ tura’’. “Kfant tirga a tageldunt-iw, aql-aɣ akken  deg yiwen n uxxam…”. Syin akkin, tesiẓreg-d ammud n yisefra “ Ixef n wawal” ass n 04 yebrir iɛeddan , tikkelt-agi yerna-as-d  gma-s Masinissa cbaḥa ugar i wammud n yisefra. Deg yixef amezwaru, d isefra i tura Cabḥa asmi tella d tanelmad deg uɣerbaz alemmas.

Isental, mmxallafen ama ɣef tmagit, ama ɣef wayen akk  yezmer ad yidir umdan , ula d aɣanib s wayes i ddan yisefra, mxallafen seg yiwen ɣer wayeḍ. Nesteqsa Massa Ben Gana d acu ara  d-tini i yinelmaden neɣ wid yettarun s tmaziɣt s umata? D acu n uwellih ara sen-tefk akken ad siẓrgen ayen i ttarun, a-t-an wacu i d-tenna : “Ma yella wacu ten-yeṭṭfen neɣ walan iḍrisen-nsen ur wjiden ara, ulac ɣer-s  ma yella urǧan . Ma yella d akukru, ɣas ɛeddit ɣer usezreg, adlis d tafekka kan deg-i ara tarrem tikta d yiḥulfan nwen”

Masinissa Ben Gana

Masinissa Ben Gana,  d yiwen n yilemzi i d-yekkren di tmurt n leqbayel.  Ixeddem di Lezzayer tamanaɣt. Yesɛa 29 n  yiseggasen  di leεmr-is, yettaru ɣef wayen yettidir yal aqbayeli neɣ azayri  di tudert-is s umata.  Nesteqa Masinissa. D tikti-k, neɣ d tikti n Cabḥa akken ad tesddukklem isefra-nwen ? Yerra-d: ‘’Yal yiwen yesεa tikti ara d-yesuffeɣ armi d aseggas n 2012 imi nhedder, teffɣeɣ-d tikti-agi ad d-nesuffeɣ  yiwen n udlis di  sin.-Tettaruḍ ayen nniḍen ?-Ih ttaruɣ ayen-nniḍen, sewjdeɣ yiwen n  wungal s tmaziɣt ara d-yeffɣen  gar-anneɣ  d taggara n useggas 202. Ttaruɣ s waṭas s taqbaylit , sεiɣ daɣen kra n yiḍrisen d isefra s tefransist maca mačči aṭas; ur d asen-fkiɣ ara azal am wakken i d as-fkiɣ i tira n yisefra n teqbaylit .

Souhila Yamani

- PUBLICITÉ -