Accueil Tamazight Ciṭ seg tmeddurt n Kateb Yasin

Asmekti

Ciṭ seg tmeddurt n Kateb Yasin

163
- PUBLICITÉ -

Kateb Yasin, d yiwen gar yimura imezwura n tsekla n Tefriqt n ugafa s tutlayt tafṛensist d umezgun azzayri s tutlayt taεrabt. Kateb Yasin, d baba-s n yitri n ccna agnawi Kateb Amaziɣ. Ilul umaru n Nedjma deg useggas n 1929 di Qṣenṭina. Di lawan-nni tella tmurt ddaw leḥris aṛumi. Yebda mmi-s n Qṣenṭina ilemmed leqṛan seg temẓi, syin yuɣal ɣer tefṛansist deg tesnawit, tutlayt ara yuɣalen d allal-is n tira imi tagi d agerruj n ṭṭṛad.Aqcic n 15 n yiseggasen, yettwaṭṭef ɣer lḥebs seld tikkin-is deg tmesbaniyin n 8 mayyu 1945, akken daɣen ara d-yettwastixer seg tesnawit, dɣa ad yebdu imahilen yemxallafen gar Lezzayer d Fṛansa, kan akken taɣuri, tezdeɣ ul-is amennuɣ asertan, gar wallen-is.

- PUBLICITÉ -

YebdaKateb yasin s tira n tmedyazt, armi d aseggas 1950 ara yaru ungal-is amezwaru « Nedjma », taqsiḍt n tayri deg yenna : ‘’Kamel, yezweǧ acku yemma-s tebɣa, ma d Nedjma tezweǧ acku yemma-s teḥres-itt’’.Syin, ad yernu taceqquft « Le cadavre encerclé », maca ad yettwanfa ɣef tektiwin-is, dɣa ad yettinig gar tmura n Lurup imir  ara yaru « La femme sauvage ».Ad yuɣal ɣer Lezzayer deg 1962 akken ad yebdu turart n tceqqufin-is « Les ancêtres redoublent de férocité » d « La poudre d’intelligence » anda i d-yeskan lǧehl d txidas n wid yellan di leḥkem, si tama, d wid yeɣran teddun s ṣṣwab, si tama-nniḍen.Deg useggas n 1970, ad yezzi ɣer umezgun s tceqqufin ifazen am « La voix des femmes » d « Mohamed prend ta valise», d izen i umennuɣ ɣef yizerfan n umdan, tilelli n tmeṭṭut d imenzayen n twacult iteddun ɣer sdat.Yemmut ass n, 28 deg tuber 1989, di tmurt n Fṛansa, yeǧǧa-d idlisen d tceqqufin d agerruj i usenned d lebni.

Tigrine Nisma

- PUBLICITÉ -