Accueil Tamazight D abrid ɣer tifrat n lexsas n waman

Tirmitin : D abrid ɣer tifrat n lexsas n waman

36
- PUBLICITÉ -

Tesfaydi-d tɣiwant n Tirmitin, yettabaεen ɣer dayra n Draa Ben Khedda, s tullya n yiwet n tɣessart n trumba tagrasent ( station de pompage intermédiaire) n waman tamaynut, yebdan yakan axeddim deg wass n lḥed iεeddan, 28 deg yebrir 2019. Taɣesart yettwabnan deg umḍiq iwumi qqaren El Kser, i d-yezgan gar tɣessart tadigant 1 n Ubaran d tɣessart tadigant n Hruka, d asenfar i izemren ad d-yejben azal n 150 M3 deg usrag (tsaεett). Asenfar-agi agejdan, yessefraḥ aṭas imezdaɣ n tɣiwant n Tirmitin, imi ad yekkes fell-asen aɣbel n lexṣas n waman n tissit, ladɣa deg tallit n unebdu.

- PUBLICITÉ -

D ayen, daɣen, ara yessishilen afraq n waman akken iwata lḥal ɣer yimezdaɣ n temḍiqt-agi. Am wakken ara d-yeglu, diɣ, walluy n tɣessart-agj tamaynut s uneḥbus n usemres n yiqadusen n waman iqburen i icudden ɣer tɣessart n Hruka d Ubaran, i d-yeggran deg yir addad. Rnu ɣef waya, d ayen ara yessisehlen axeddim ɣef srabes n umesway n Tirmitin d tsemsart n waman.

Ali Zalouk

- PUBLICITÉ -