Tella-d Tfaska n umsillel (marionnettes) n Bogota, deg tmurt n Colombie, seg 5 ar 13 deg cutember-agi i deg-i nella. D Slilwan n tddukkla Irathen n Larebɛa n At Yiraten i d-yettwafernen i wakken ad tettekki s yisem n Lezzayer. Acu kan, imi d taswiɛt iqesḥen anda yella waṭṭan n kuruna, ihi ur ruḥen ara iɛeggalen n tddukkla i yetturaren diɣ amsillel Slilwan. Meɛna, ceyyɛen tavidyut-ines u ttekkan yis-s mebla ma rzan ɣer temdint n Bogota n tmurt n Colombie. Tettwasenɛat-d Slilwan ass-nni n, 8 deg cutember 2020, deg tansa n tfaska n Bogota. Ha-t-an ugzul n tedyant n Slilwan. Umbԑed imi i d-tufrar Slilwan deg temsizzelt n zzin, ass-a yewwḍ-d lawan ad tezweǧ akked ugeldun. Ad tuɣal d taǧeldunt. Mebla cekk, Waɣzen i d-yesnesren si tesraft, s lemԑawna n Zinon, ad yexdem yakk tazmart-is akken ad d-yer ttar-is. Aladra amek ? Ɣef ufaris-agi, yenna-d Ali Boudarène i yellan d aselway n tddukkla Irathen u d netta daɣen i yuran asinaryu, am wakken d netta i tt-yesuffɣen : ‘’Aṭas n warrazen i tewwi Slilwan ama dagi deg Lezzayer, ama deg berra n tmurt. Nettekki deg Tfaska deg Lmerruk, deg Tunes, deg Maṣer…atg. Ula d amsuffeɣ-is, Ali Boudarene, ddeqs n warrazen i yewwi ula d netta. Nezmer ad nebder arraz amezwaru Ali Maâchi n uselway n tegduda n tira tmezgunt Lalla Faḍma n Sumer, arraz amezwaru Mohia d’or d wiyaḍ…
H.M.