Accueil Tamazight D taggara n ddurt qessiḥen

Bgayet

D taggara n ddurt qessiḥen

33

Deg yiwen n wulɣu i aɣ-d-yewwḍen ussan-a kan sɣur Uḥuddu aɣarim n waɣir n Bgayet, yedda-d leḥsab n yineḍruyen d twaɣiyin i d-yeḍran ass n 30 meɣres-a iɛeddan. Imi, akken i d-nnan, ass n sed yella d aberkan si tama n twaɣiyin, daɣen d aẓayan si tama n tuffɣiwin. Ɣef yisalli-nsen, ffɣen tazwara ɣur yiwen n urgaz i izemren ad yili yenwa ad yenɣ iman-is seld mi d-ineggez seg ubraḥ n Gueydon n Bgayet. Yettawawef yemmut di tiyita-nni, syin, yettwawi ɣer texxamt n yimattanen di sbiṭer n Bgayet. Ass-nni daɣen, tella-d tuffɣa n yirgazen n usellek n Uḥuddu aɣarim ɣer ubrid aɣelnaw wis 12, deg temnaḍt n Teɛzibt, taɣiwant n Wad Ɣir, seld amyeẓdam n yiwen n tkerrust akked umuṭu. Iseggra-d usehwu-a, yiwen n umejruḥ yenṭer akked tmettant n yiwen n urgaz bu 33 n yiseggasen, i isuffɣen tarwiḥt deg umkan-nni, ɣef wawal n teɣbalut-nneɣ. Akkin i uɣelluy n yiḍ, mettwal 19:26, ffɣen yiqeddacen n Uḥuddu aɣarim ɣer ubrid aɣelnaw wis 09, meqrub lluzin n Sentex n Xerraṭa. Aya seld amyeẓdam i d-yellan gar tkerrust Renault Symbole akked Dacia Logane. Iḥun Rebbi ur d-telli tmettant deg laksida-a, imi d-tegla kan s kra n yimejraḥ. Ma nga aserwes gar ukraḍyur amezwaru n 2018 d win n 2019, ad naf ttwajerrden deg win n yilindi 332 n yisehwa n ubrid, i yeglan s 08 n yimdanen, seggran-d 359 n yimejraḥ. Ma yella deg win n useggas-a, armi d 30 meɣres-a, ttwajerrden 395 n yisehwa, s 11 n yimattanen d 439 n yimejraḥ. Akken yebɣu yili, ssebba tamezwarut n yisehwa n ubrid, ad teqqim tcudd i umdan. Ihi yelha usmekti ɣef uḥader.

M. K.