Zik mi yuget lḥif, yiwen urgaz yenṭeq ɣer yemma-s, yenna-as: “A yemma, γur-m tameṭṭut-iw d yessi. Nekk, aql-i ad awiγ lleft, ad zegreγ akin s At Yaεla i wakken ad t-id-beddleγ s yirden d zzit. Tlata neγ ṛebεa n wussan ad d-zziγ. Iruḥ urgaz γas akken ideflawen γman γef yidurar, maca akka i d aγrum ».
Deg uxxam, tullas ttrunt ugint ad gnent. Tenṭeq γur-sent yemma-tsent: ”D lawan n yiḍes a tullas, azekka ad d-yas baba-tkent ad d-yawi irden d zzit, ad sewweγ seksu s ubisar, ad teččemt alamma teṛwamt imir ad tegnemt di talwit. Dγa ṭṭsent. Tayemmat, yugi ad tt-id-yas yiḍes, s teγzi n yiḍ nettat teqqar-as mmi tečča-t tizi, mmi ahaqel nγan-t yiεdawen awah! Balak mmi illuẓ immut.
Azekka-nni, yusa-d urgaz, yewwi-d irden d zzit d ubisar, ih ferḥen meṛṛa, tameṭṭut: ”Annaγ ay argaz, tullas-agi-inek ur d i yi-ğğint ara leεca ad ṭṭseγ armi i asent-id-wwiγ timucuha: Nniγ-asent azekka ad d-yaweḍ baba-tkent ad d-yawi lxiṛ amxalef, ad nefreḥ meṛṛa, dγa ṭṭsent. Tenṭeq temγart: « Nekk a mmi welleh ma qqneγ tiṭ-iw kra yekka yiḍ, qarreγ-as kan yemmut, tečča-t tizi neγ yečča-t yifis neγ nγan-t yimcumen.Yuγal yenṭeq urgaz weḥd-s kan:”Ad yesuffeγ Ṛebbi γer ddεawi n tmeṭṭut-iw kan”.
Yahia Yanes