Accueil Tamazight Di rebɛa wugguren, skelsen ugar n 10 000 n yimuḍan

Aṭṭan n tbuzeggaɣt

Di rebɛa wugguren, skelsen ugar n 10 000 n yimuḍan

22

Aneɣlaf n tdawsa, yessekles ugar n 10 000 n wid yuḍnen aṭṭan n tbuzeggaɣt, seg-mi yebda useggas-agi n 2019 ar taggara n waggur-agi n yebrir iɛeddan. D leḥsab i d-yefka uɣlif n tezmert, deg yiwen wulɣu ideg i d-yenna belli : “Ugar n 10 000 n wid yuḍnen tabuzeggaɣt i skelsen segmi yebda useggas-a (rebɛa-agi wagguren imenza) ideg nella ar taggara n waggur-agi iɛeddan, deg wakal aɣelnaw. Aṭṭan-a, ihelken yigerdan, ineṭṭeḍ seg ugrud ɣer wayeḍ, yezmer ad yezreɛ, acku aṭas n yigerdan mazal ur criḍen ara.

Annect-agi”, d ayen i d-yenna umejjay Djamel Fourar i ixeddmen deg uɣlif n tezmert, i lmend n yimalas agraɣlan n ucraḍ, i d-yemyezgan akked yimalas n wayyur n yebrir. Am wakken daɣen i d-yessefhem limart n lehlak-agi, yenna-d belli mi ara d-yebdu waṭṭan-a, i la d-iteffɣen seg 8 ɣer 12 wussan seg-mi ara yenṭeḍ unfafad, amuḍin-nni, tettaṭṭaf-it tawla tameqqrant, yettazzal aṭas uɛebbuḍ-is akked daɣen tefɣent-d tḥebbiwin timellalin deg yiles-is.

Ma d aḥader ɣef waṭṭan-agi, yessefk ad cerḍen yigerdan s uḍfar n teswast n ucraḍ, i d-yessutur uɣlif n tezmert i yal agrud. Ɣer taggara, ad d-nesmekti kan belli deg useggas n 2018, skelsen ugar n 29 000 n yigerdan i yuḍnen tabuzeggaɣt, tella-d tmettant n 26 deg-sen.

Ghani Amazigh