Accueil Tamazight Gar-ak d yiman-ik n Amar Sersour

Ajdid deg ccna

Gar-ak d yiman-ik n Amar Sersour

19

Mbeɛd araǧu iḍullen kra n lweqt, yessuffeɣ-d ucennay Amar Sersour yiwen n uḍebsi d amaynut. D win i d-yeffɣen ɣer teẓrigin Massinissa di Tizi Uzzu ass-nni n 12 yunyu 2019.

Aḍebsi iwumi yefka asentel Gar-ak d yiman-ik. D leqdic i ɣef yeɛteb Amar Sersour, ɣef waya i yekka fell-as gar kraḍ ar ukkuẓ n yiseggasen n uxeddim. Yewwi-d deg-s ɣef waṭas n yisental d temsal yerzan timetti, tadukli, leɛwayed, leɣḍer d leḥzen.

Deg walbum-a, ad naf 8 n tezlatin; tamezwarut “Gar-ak d yiman-ik” i yefka dɣa d azwel i tesfift-is. Kra n tezlatin-nniḍen s yizwal “Aḥbib”, d tizlit tis tlata. Tizlit tis xemsa, isemma-as “Adrar yecfan”. Tis sḍiset yefka-as asentel n “Ṭṭejra yettrun”.

Ma d tis ṭamet, izewwel-itt “Nniɣ-ak anef-iyi”. I usmekti, Amar Sersour gar yinaẓuren iqdimen i yecnan s teqbaylit, u mazal-it ar ass-a icennu, aṭas i yesuzen s ṣṣut-is icebḥen. Gar tezlatin mucaɛen i d-yeǧǧa, ad naf tizlit icebḥen “Cfu ay ixef-iw” deg useggas n 1981. Tizlatin “Ayennat, A yemma yemma”. Akked tezlit yesɛan azal “Yibbas” i yesdukel akked yisefra n Ben Muḥemmed deg useggas n 1982.
Kh. A.