Yesla uneẓẓarfu n teɣdemt n Lezzayer ass-nni n, 16 duǧember yezrin, i lwali aqdim n Wehran Mouloud Cherifi deg tedyant n utabeɛ-ines deg tsastant n tukci n leqwaɛi n wakal i Ali Haddad asmi yella uneggaru-a d aselway n tkebbunay tizzayriyin. Dɣa Mass Cerifi i iḥebsen leqdic-is d lwali kraḍ n wagguren-aya, slan-as i wazal n rebɛa n tsaɛtin, seld tullya n tsastanin yerzan asexser meqqren n tedrimt sɣur imasayen iqdimen i iɛeddan deg teɣdemt ussan yezrin, ɣef waya yetturaju ad as-alsen asiwel akken ad semmden yittafttaren-agi s ttbut. I usmekti, ɛeddan yakan sdat n ccreɛ lwaliyat iqdimen am Malek Buḍyaf, Sayf Islam Luḥ (mmi-s n mmi-s n uneɣlaf aqdim), akken daɣen i yetturaju i tmesliwt n lwali aqdim n Tipaza akked win n Chlef, dima ɣef tmentilt n usexdem n tedrimt n ddewla i wayen ur nlaq ara.
Kh. A.