Accueil Tamazight Iṛuḥ yiwen n urgaz d asfel

Sidi Ɛic : Iṛuḥ yiwen n urgaz d asfel

69
- PUBLICITÉ -

Seg tmentilin n tmettant n yimdanen yal ass, d isehwa n yiberdan, daymi i yuɣalen yineggura-a, d asentel n umeslay n umeqqṛan akked umecṭuḥ. Armi uɣalen yimawlan,ttugaden ad ffɣen warraw-nsen deg ufeṛgu, neɣ s tkeṛṛust. Seg tama-nniḍen, deg yiseggasen ineggura, uɣalen yilemẓiyen, ssexdamen nezzeh imuṭuten. Dɣa ayagi, d amahi ameqqṛan fell-asen. Amedya, d asehwu i yeḍṛan ass n, 18 duǧembeṛ yezrin, deg tɣiwant n Sidi Ɛic.

- PUBLICITÉ -

Γef leḥsab n teɣbalut-nneɣ, asehwu-a yella-d gar yiwet n tkeṛṛuṣt akked d yiwen n umuṭu. Deg umḍiq iwumu qqaṛen Rrmila, deg ubrid aɣelnaw uṭṭun 26. Tadyant-a, Iṛuḥ d asfel-is Mass ( Ḥ.A), seg taddart n Sidi Ɛeyyad, i yesεan azal n 51 n yiseggasen di leεmeṛ-is. Seg tama-nsen, iqeddacen n Uḥuddu aɣarim, ṣṣawḍen-t ɣer sbiṭeṛ n Sidi Ɛic. Γef tmentilt n usehwu-a, ijadaṛmiyen n Sidi Ɛic, ldin tasestant ɣef waya. Ma yella seg tama n wid iḥeḍṛen, yal yiwen d acu i d tamuɣli-s. Yiwen yeṣṣeḍlem bab n ṭṭumubil, imi ahat ur iḥuder ara deg useddu-s.

Seg tama-nniḍen, llan wid yeṣṣḍelmen bab n umuṭu, acku ɣef leḥsab-nsen, wid yesseddayen imuṭuten, ur ttqadaṛen ara aṣaḍuf n ubrid. Ɣer taggara, d tamentilt tamezwarut neɣ d tis snat, tarwiḥt n umdan tṛuḥ, ihi akken i d-ssawalen yal tikkelt yiqeddacen n Uḥuddu aɣarim, asayes d uḥader deg yiberdan, d ayen i izemren ad yeḥbes aṣinaryu-a n tmettant. Nessaram ṣṣber i twacult.

K. K.

- PUBLICITÉ -