Accueil Tamazight Ihegga-d yiwet n temhelt n ṭṭhara

Taseqqamut tadigant n Yitri azeggaɣ azzayri n Mεatqa

Ihegga-d yiwet n temhelt n ṭṭhara

28

I lmend n wass n 27 seg waggur n Remḍan 2019, thegga-d Teseqqamut tadigant n Yitri azeggaɣ azzayri n Mεatqa yiwet n temhelt n ṭṭhara i lfayda n yigerdan n twaculin yenḥafen n tɣiwant n Mεatqa akked tɣiwant n Ssuq El Tenin. Ajered i twaculin i yebɣan ad sḍehrent i yigerdan-nsent, ad d-yili seg umenzu (1) ɣer 4 seg waggur n maggu 2019, deg tebda n teseqqamut i d-yezgan deg yidigan n tɣiwant n Mεatqa, seg 10 n tsebḥit ar 17 n tmeddit. Akken tuɣ tannumi teseqqamut tadigant n Yitri azeggaɣ azzayri n Mεatqa s tigawin-is n lxir i lfayda n yimezdaɣ n temḍiqt-agi, dɣa, ayen yakk yeεnan tamhelt-agi, ad d-yili s lmendad n teseqqamut d tallelt n yimdanen yenwan lxir, ama d lebsa, d dwawi akked tmeɣra ara d-yilin deg yiḍ n wass n temhelt i twaculin n yimeḍharen.

Tamkerḍit n ubrid

Sdat n umyezwar ɣer wumḍiq amzwaru deg temsizzelt n taddart tazeddgant deg ugerzu n Tizi Uzzu, i d-yessuddes Useqqamu aɣerfan n ugerzu, yal taddart, tettnadi ad d-tufrar ɣef tayeḍ s tigawin d leqdicat yemgaraden. S leqdicat ara yefken udem igerrzen i taddart u ara wa iwenεen tudert n yimezdaɣ n yal ass akked wayen ara yezdin tagmat gar yimezdaɣ n tudrin. Dɣa akka i d-tufrar tɣiwant n Mεatqa s yiwen n leqdic igerrzen nezzeh, i d-yellan i tikkelt tamezwarut deg temḍiqt-agi n leqbayel. Aya, dayen yeεnan alluy n yiwet n temkerḍit n ubrid yezdin yakk imezdaɣ. Tikti-agi, tella-d s ɣur n tddukkla tadelsant n Tiɣilt n Teqḍibin, yettabaεen ɣer taddart n Ibarquqen. Teldi temkarḍit-agi deg tlemmast n taddart ɣer rrif n ubrid, s ddaw n usentel “ Ddem adlis, teǧǧeḍ-d adlis”. Leqdic yecban wa, dayen ara d-ixelqen tayri n tɣuri gar leǧiran d yimezdaɣ n taddart. Rnu ɣef waya, ad yili lḥir meqqren ɣer yilmeẓyen deg unadi ɣef tumussniwin yemgaraden. Am waken neẓra, tussna ad d-teglu s yidles n taẓunt, s wacu ara bnun yimdanen tawejiḍt ireẓnen iman-is.

A. Z.