Accueil Tamazight Iles, times d amaynut n Muḥemmed Ḥaǧimi

Ajdid di tira

Iles, times d amaynut n Muḥemmed Ḥaǧimi

42

Deg wussan-agi kan iɛeddan, i d-yeffeɣ ɣer ssuq udlis wis tlata n umaru d umedyaz Muḥemmed Ḥaǧimi, iwummi isemma Iles, times. D ammud n tmedyazt wis kraḍ, i d-yessuffeɣ ɣer tezrigin n Ccix Muḥend Ulḥusin n Tizi Uzzu. Yettnuzu s wazal n 150 DA. D taselmadt n tmaziɣt Belḥusin Nasiṛa, i d as-yerran tazwert n udlis-agi n 48 n yisebtar. D ammud n tmedyazt, ideg ara naf 21 d asefru s teqbaylit timserreḥt, yeččuren d sser d ccbaḥa akked wawal aziḍan. Yettleqqim tamussni-s deg yisefra s wawalen iqburen, yessefruy s teqbaylit-nni taqurant. Ma d isental iɣef i d-yewwi awal deg wammud-agi, mačči yiwen, mačči sin, gten. Tuget n yisefra-s, tezzin ɣef tnagit n tegrawla tazzayrit (Awal n umeɣras), tamagit d yidles amaziɣ (Asmekti n tefsut), tayri (Tayri ifuḥen, Tajeǧǧigt n ddunit, Ansayen n tayri)…atg.

Nger tamawt deg yisefra-agi, nufa-d belli Mass Ḥaǧimi, yessefray s 6 n yifyar i yal taseddart, ma tameɣurt i d-yettuɣalen deg yisefra-a d AB/AB/AB. Ad d-nesmekti kan belli, Mass Ḥaǧimi Muḥemmed, d amedyaz d amaru. Yettales-d diɣ timucuha i warrac, am wakken diɣ i yettaru timezgunin sya ɣer da. D argaz bu tebɣest meqqren, ulamma 79 n yiseggasen di leɛmer-is maca mazal deg-s ifadden d leḥrara n uxeddim ɣef yidles d tutlayt tamaziɣt. Ilul ass n 15 deg cutember 1941 deg taddart n Cender deg tɣiwant n Naṣirya deg lwilaya n Bumerdas.

A. A.