Accueil Tamazight Isax ubrid n twilayt wis 16

Kefrida : Isax ubrid n twilayt wis 16

37
- PUBLICITÉ -

Wid yakk yesseqdacen abrid n twilayt wis 16, i yettawin seg taddart n Ayt Idris ɣer Kefrida, ḥsan ur yerkid maḍi deg umḍiq iwumi ssawalen Ifalan, maca daɣen d amihan ɣef yinehharen teɣzi n wass d yiḍ. Ugar n teḥcer-is i d-yesnernan ddiq di tikli, ula d iɣulad n tɣellist uqan ayendin deg-s ulamma truḥ yakk d icerfan temnaḍt-nni, terna teḥḍer i ddeqs n yisehwan i yeglan s waṭas n terwiḥin . Dɣa, ussan-a, ilul-d wugur-nniḍen deg Yifalan mi isax umur seg ubrid deg yiwet n tama.

- PUBLICITÉ -

D ayen i yerran aɛeddi n sin n yikerrusen d awezɣi imi yuɣal ḥeccer ubrid ayendin, am wakken ur yelli yakk d aɣelsan meskud yezmer ad ikemmel axjaḍ di yal lawan. Ad d-nesselɣu d akken tekker tkebbanit Bunab ad treqqeɛ abrid seld tadyant, tuɣal teḥbes ɣef sebba n waddad n tegnaw. Maca yewwi-d ad awḍen lecɣal n useggem n ubrid send ad ifak wayyur n tuber. Ma yella nemmeslay-d ɣef yimezdaɣ, gan asunded yinelmaden n Kefrida, Taɣzut d Tiɣẓert mbeɛḍ azuq n ubrid-a n Yifalan i walan ur ilaq uɛeddi seg-s.

Ula d iɣermanen d yiseqdacen n ubrid-a s umata, rfan ɣef yimḍebbren n tɣiwant n Tsexriwt d wid n twilayt mi ǧǧan abrid merra-is di liḥala-nni n war taɣellist acḥal d iseggasen tura. « Ur ilaq ara ad yeqqim ubrid-nni akken yella ḥeccir, rnu ur yesɛi iɣulad 100%. Aql-it d amihi ɣef yinehharen merra, abeɛda ɣef yimezdaɣ n tuddar i t-iqerben, am Kefrida d Teɣzut », i d-yenna yiwen n umezdaɣ n Kefrida. Yerna ikemmel: « Ayen yeḍran d laksidat deg-s, d anebbeh akken ad nekker ad nseggem lecɣal. Mačči armi teḍra tedyant-nniḍen ara nḥerrek i uxdam n kra ».

M. K.

- PUBLICITÉ -