Accueil Tamazight Kullec s laεtab

Cwiṭ seg tmucuha n leqbayel : Kullec s laεtab

129
- PUBLICITÉ -

Akken amdan ad iẓer belli ur d-yettas kra mebla laεtab. Qqarren yiwen ufellaḥ, yekker-d ṣṣbeḥ, yenṭeq ɣer temγart-is: “A tameṭṭut ayγer akka ur d-ukin ara warrac, a-t-an qrib d azal ?

- PUBLICITÉ -

Tamγart: «Ugin ad d-kkren εyiγ deg-sen».

Yekker umγar, iruḥ ad ten-id-yessaki, nnan-as: “ass-agi, neεya, γur-neγ lḥeq ad nesteεfu”.

-S tidet, γur-wen lḥeq, maca ccγel d netta i aγ-iḥekkmen, ilaq ad nfaṛes ussan n ṣṣḥu. Ass-agi, nenna-d d asteεfu.

Akka ?

Akka.

Iruḥ umγar, yenṭeq γer temγart-is: “Ass-agi a tameṭṭut, γur-m anida I d-tettheggiḍ imekli neγ imensi”.

Yelḥeq-d lweqt n yimekli, usan-d warraw-is ad fetṛen, ufan-d ulac. Neṭqen γer yemma-tsen: “Ayγer akka a yemma ulac imekli ?”

Yemma-tsen: “Yugi baba-twen”.

Ruḥen γur-s: “A baba, acimi akka tḥebseḍ yemma-tneγ γef imekli ?”

Amγar: “Nnaγ ass-a d ass n usteεfu ?”

Ihi kullec ad yesteεfu. Tamγart, ad testeεfu, tislit kif-kif. Tuggi neγ tacuyt, teεya deg usewwi, ad testeεfu, lkanun kif-kif, ad yesteεfu.

Yahia Yanes

- PUBLICITÉ -