Accueil Tamazight Lḥan yinelmaden n tesdawit ass-nni n ttlata

Lḥan yinelmaden n tesdawit ass-nni n ttlata

26

Lḥan yinelmaden n Tubiret ass-nni n ttlata, 24 cutember 2019, ɣef leğyaweh n 10:30 seg tesdawit Akli Muḥend Ulḥağ armi d lwilaya. Ɣas mačči aṭas yid-sen, maca ddan s lebɣi n ubeddel, s unerni, anadi ɣef tugdut d tlelli, izerfan n tmeṭṭut d usizdeg n tesdawit seg tuddsiwin i yewwin tasdawit ɣer lkaff. Lḥan yinelmaden s wannay amaziɣ , win n Lezzayer akked uzeggaɣ n yisdukliyen akken ad inin ala i tefranin, ala i tuṭṭfa n yimeɣnasen n wawal ɣer lḥebs d userreḥ-nsen imir-a. Ṭṭalaben diɣ tugdut, tilelli di lezzayer akked useḥbiber ɣef tmaziɣt imi ula d nettat d aḥric ur nettwakkes si tmagit taɣelnawt. Ɣas ulamma ur ugtin ara yinelmaden deg tikli imi anekcum ad d-yili deg waggur n tuber, maca tella-d deg tegnatin yelhan aṭas .

Nisma Tigrine