Accueil Tamazight Lḥirfa

Cwiṭ seg tmucuha n leqbayel : Lḥirfa

104
- PUBLICITÉ -

Yiwet n tikkelt, yella-d ṭṛad meqqer. Ihi γlin aṭas n lmeyytin. Yiwet n tama d nettat i d-yegran, ittussemma d nutni i irebḥen ṭṛad. Yesteqsa umeqqran-nsen lεeskeṛ-ines ma ṭṭfen-d imeḥbas, nnan-as: ”Neṭṭef-d azal n εecṛa”. Yenna-asen: “Anida-ten?”. Wwin-t γer yimeḥbas-nni, iwala-ten, steqsan-t: “Acu ara asen-nexden ay ameqran?”. Yenna-asen: “Ur rennuγ ara taεkemt-nsen”. Yebda ara yesteqsay deg yimeḥbas yiwen, yiwen: “Acu d lḥirfa-k keččini? Yenna-as: “Ur sεiγ ara lḥirfa”.

- PUBLICITÉ -

-Ihi gzemt-as aqerru-s.

Yenṭeq γer wayeḍ: “Acu id lḥirfa-k?”.

-Ur sεiγ ara lḥirfa.

-Rnut-t γer umezwaru.

Akken armi i d-yewweḍ γer yiwen deg yimeḥbas.

-I kečč d acu id lḥirfa-k?

-Nekk si zik d axerraz.

-Erret-tt di ṭṭerf, ur t-neqqet ara.

Steqsan-t lεesker-ines: ‘’Acimi ur t-tenγiḍ ara am wiyaḍ, ahaqel i mi d axerraz?’’.

Ameqran n lεesker: ‘’S tidett bu lḥirfa yenfeε a lukan d axerraz’’. Tamsirt-nneγ si tmacahut-agi, d akken ad nẓer belli lḥirfa tenfeε bab-is akken yebγu yili. Yal ccγel inefεen d tamussni.

Yahia Yanes

- PUBLICITÉ -