Accueil Tamazight Lamana

Lamana

72
- PUBLICITÉ -

Aḥric 1u

- PUBLICITÉ -

“Win yessawalen tidet yiwen wass, yessiwel akken i as-yehwa”. Akka nhedder s yinzan, ladγa timetti-nneγ di tama n leqbayel, win yessnen lemεun u ihedder-itent s lmaεna-nsen, d amussnaw, bḥal akken ḍerrun di yal tamurt deg umaḍal, maca tama-nneγ (lmaεna) i d leslaḥ awḥid, ulamma ass-a, tezzi-d amzun d aγilif. Mi ara d-nader tallit n zik, yiwen wass nuder-d laẓ d laεra. Yiwen urgaz d aẓawali, yeqqim di tejmaεt, la ihedder i kra n yilmeẓyen, gar-asen llan wuḥdiqen, llan widen ixussen. Yenṭeq yiwen, yenna-as: “A dda leflani, acimi kečč γas liḥala-k rqiqet, maca udem-ik yal ass yecmumeḥ?”. Yenṭeq urgaz, yerra-as: “A mmi, ayen i kesbeγ, ttmuduγ-t akk i medden.

I lukan teksibeḍ akteṛ?

-Ad t-muddeγ i kra n medden.

Ilemẓi nniḍen: “Amek?” Argaz: “Acku di tayri, ddeqs i kesbeγ. Zemreγ, ad qaddeγ akk imdanen s uẓawali, s win yesεan, maεna s uṣurdi d ayen akk-nniḍen, ma qubleγ iẓawaliyen, ddeqs-iw”. Ynṭeq-d yiwen ilemẓi s wawal-is iḥdeq: “Ih a dda leflani, ur yezmir yiwen ad ten-yesddukkel, qqarren wat zik, win yerwan yexdaε Rebbi”. Argaz: “S tidet, awal-ik yemεen, d acu kan rnu-as kra n wawalen ad eqεed nezzeh”.

Amedya?

Rnu-as gar cwiṭ d waṭas, acku lxiṛ d Sidi Rebbi u deg umdan i t-id-yefka, allaγ n umdan d lxir ameqqran, u labud llan yimdanen lhan u kesben agarruj.

S tidet, s tidet.

Acu, win yesεan γas d lmumen, d aεerḍi, ilaq ad yissin amek ara iẓẓel afus γer wiyaḍ, akken afus-is ad yili d imezgi u ad irgel aṭas n yiṭuṭac. Qqarren wat zik, yiwen urgaz iruḥ s aḥbib-is ad as-d-yerḍel isurdiyen, mi as-ten-yessuter, yenṭeq yenna-as: “Ulac uγilif d ayagi ?”.

Winna d-ireḍlen yenna-as: “D ayagi, kcem-d…”

Tettkemmil

Yahia Yanes

- PUBLICITÉ -