Macahu tellem cahu, Rebbi ad tt-yesselhu, ad tt-iɣzif annect n usaru.
Yiwen n wass, yella yiwen n yilemẓi yebɣa yiwet n teqcict ad izweǧ yid-s, maca yemma-s n uqcic, tugi ad as-tt-id texḍeb, acku tebɣa-as tin yellan d yelli-s n umerkanti i wakken ad yesεu tuyat.
Ihi yal tikkelt, ad as-yini: “a yemma, ruḥ, ḍleb flantiya, yelli-s n leflani”. Ad as-d-terr: “ala, ur d-ttawiɣ ara tinna, d leḥram ma tekcem-d ɣer texxamt-iw”. Asmi d as-tguber yiwet d yelli-s n flan, meḥsub d bu udrim, tewwi-tt-id, lamaεna txelleṣ, acku taqcict, twulef lεez d trika, tura a wid neɣ rḍel-d. Bdant temcukal d ccwal, aḍegal, yenna-asen: “Nekk, fkiɣ-awen taqcict, rniɣ-as-d lmektub-is, maca mačči d lwert ad i yi-twertem”. Akken texdem temɣart d daεwessu. Tenṭeq ɣer mmi-s: “Ammi, amek ara nexdem, tagi ur as-nezmir ara cuṛuṭ-is meqqrit?”. Mmi-s: “A yemma, nniɣ-am d kemm i iḍebbren, amek tura kemm?A yemma, tecfiḍ ɣef tin bɣiɣ zzman a-tt-an tura tezweɣ, thenna, seg tjerreb ddunit tiwweḍ ɣer uxxam-is tεemmeṛ-it, ttif tameṭṭut iḥerzen, tayuga ikerzen, ma d nekk ur d-yewwiɣ tin iḥerzen wala tayuga ikerzen, ḍebber”. Tam$art: “Annaɣ a mmi, nekk ɣileɣ meqqreɣ, sneɣ, ziɣ mazal bdiɣ tussna, armi d tura i fehmeɣ belli lxir mačči d sεaya, lxir d ul”.
Aqcic: “A yemma, lxir n bab-is”.
Yahia Yanes