Accueil Tamazight Mazal yeɣleq uɣerbaz amenzu n At Ɛtiq

Iderginen : Mazal yeɣleq uɣerbaz amenzu n At Ɛtiq

32
- PUBLICITÉ -

At Ɛtiq d yiwet n taddart tamsedrart i yettabaεen ɣer tɣiwant n yiderginen. Zgan yimezdaɣ n taddart-a d acekti i uselway n tɣiwant-nsen ɣef yir liḥala ideg ttidiren warraw-nsen inelmaden. Ayagi imi ibelleε uɣerbaz amezwaru anda i qqaren. Seg tama n yimawlan n warrac, irkeb-iten zzεaf d ageεmir, acku nḍeṛṛen nezzeh am nutni am dderya-nsen. Dɣa, yal ass leḥḥun ɣef uḍaṛ ugar n uzgen n usrag. Seg tama-nniḍen, qqaren-asen-d y imdebbṛen n tɣiwant belli ulac amḍan i ilaqen n warrac i wakken ad yeldi uɣerbaz tiwwura-s. Ad d-nesmekti d akken aɣilif-a, ur yelli ara d amaynut. Ddeqs n yiseggasen-aya segmi ttɛassan yibabaten n warrac ma yella wacu ara ibeddlen. Lameεna ulac win i d-yerran i wayen ssuturen.

- PUBLICITÉ -

Γef usentel-a, yenna-aɣ-d yiwen seg yimezdaɣ: « Ur nessutur ara lmuḥal, ahat d tidet ur zmiren ad ldin aɣerbaz, acku azgen n yimezdaɣ ulac-iten, ṛeḥlen. Meεna ula d ttawil n tumnayt ur t-ksiben ara yinelmaden-nneɣ, yerna d tagrest i d-iteddun. Amek ara ḥeṛcen deg tɣuṛi ma yella txemmimen ɣef ubrid i ten-id-yettεassan yal tanezzayt, d tmeddit. Neεya seg lehḍuṛ, deg lawan anda i ttidiren yigruden-nniḍen tagrudant-nsen di tegnatin igerrzen, wigad-nneɣ, ur sεin ara azref ula i tɣuṛi. Nessutur ad sεun xerṣum afurgu ara ten-yettawin ».

K. K.

- PUBLICITÉ -