Accueil Tamazight Muḥ Meznad, bu uḥulfu n umedyaz

Tameddurt : Muḥ Meznad, bu uḥulfu n umedyaz

83
- PUBLICITÉ -

Ilul Muḥemmed Meznad deg wayyur n mayu n useggas n 1959. Seg yimedyazen Iqbayliyen i d-yewwin amur-nsen n tmussni s ubrid n wawal yettwasefran. Ɣur-s asefru d ayen akken i d-yettawin tefses i bab-is d medden-nniḍen. « Anda ur ufiɣ ara asmeḥses, din i d taẓayt-iw ». I yeqqar. Iḥemmel tikkin deg tfaskiwin n tmedyazt i d-yettwaheyyayen deg ukuẓ n tɣemmar n Tmurt n Leqbayel. « Timyiliyin d tefses gar tsemhay n useggas », i iwala daɣen. Asenfar-is ɣur-s, d agazu n tẓuriwin i d-lulen deg useggas 1982. Ar ass-a, deg yixef-is 60 n yiseggasen, mazal-it deg-s s usirem i iεellqen deg yigenni.

- PUBLICITÉ -

Anaẓur i iḥemmel netta, d amedyaz-nni ufrin i yessnen ad yewzen awal. Gar-asen dɣa Muḥend Uyeḥya i iḥemmel ad isemmi « Muḥend Uyedder ». Seg wid yeqqaren « Yal ass ad d-yeglu s wayla-s, awer yekfu usawen yessalayen », Muḥ Meznad yezdi-t wassaɣ iǧehden akked wawal icebḥen. Deg yisefra-s, tikwal ad naf s wudem afessas ayen yebɣa ad d-yini. Tikwal yessefk kra n ddehn akken ad negzu. Ama d turart s wawalen, neɣ d cwiṭ-nni n useḍsi i d-yettawi, yezga dima usentel usdid deg usefru-s.

Ma yella neɛreḍ ad nessesmel ssenf n tmedyazt n Muḥemmed Meznad, ulamma mačči d yiwen neɣ sin n yisefra i yesɛa, ad naf imal ugar ɣer tmetti, ansayen-is, tilufa-s d yiɣeblan-is. Nwala mačči d win i tt-yerran i usuffeɣ n yisefra-s d ammuden, ɣas ulamma yufrar-d di kra n tfaskiwin s wayen ixeddem. Mi as-nessuter ad d-ibudd taseddart seg walbaɛḍ n yisefra-s i yimeɣriyen-nneɣ, yefren-d:

“Ay imuraren n wawal

A tid i as-yettgerrizen nnwal

A wid i d-tezdi terni

Awal ɣef wawal yesni

Yettifrir nnig wakal

Ay imeddukkal a timeddukkal

Skud tellam yella lettkal ”

M. K.

- PUBLICITÉ -